ಒಡಿಪು ಸಿಟಿ ಹಾಸ್ಪಿಟಲ್‌ಡ್ ನಿಖಿತಾ ಸಾವು, ಸಾರ್ವಜನಿಕೆರೆನ ಆಕ್ರೋಶ, ಎಬಿವಿಪಿ ಬೃಹತ್ ಪ್ರತಿಭಟನೆ

Last updated on August 15th, 2023 at 06:42 pm

ಒಡಿಪು ಸಿಟಿ ಆಸ್ಪತ್ರೆಗ್ ಅಡ್ಮಿಟ್ ಆದಿತ್ತಿನ ನಿಖಿತಾ ಪನ್ಪಿನ ಪೊಣ್ಣನ ಸಾವುದ ಬಗೆಟ್ ಪೊಂಜೊವು ಒರ್ತಿ ಪಾತೆರುನ ಆಡಿಯೋ ಇತ್ತೆ ತುಳುನಾಡೊರ್ಮೆ ವೈರಲ್ ಆತ್ಂಡ್. ಬೆರಿಬೇನೆದ ವಿಷಯೊಡು ಅಡ್ಮಿಟ್ ಆತಿನ ನಿಖಿತಾ ಜೀವ ಕಳೆಯೊಂದು ಪಿದಯಿ ಬತ್ತಿನ ಇತ್ತೆ ಆಕ್ರೊಶೊಗು ಕಾರಣ ಆತ್ಂಡ್. ಹರ್ನಿದ ಸಮಸ್ಯೆ ಉಂಡು ಪನ್ದ್, ಕರ್ಲ್‌ದ ಬಯೊಸ್ಕೋಪಿ ಮಲ್ಪುವ ಪನ್ದ್ ಪಂಡೆರ್, ಮಣಿಪಾಲೊಗು ಪೊಣ್ಣನ್ ಕೊನೊಪ ಪನ್ಡಲಾ ಶಿಫ್ಟ್ ಮಲ್ಪರೆ ಬುಡ್ಜೆರ್ ಪನ್ದ್ ಪೊಂಜೊವು ಒರ್ತಿ ಬುಲ್ತೊಂದು ಪಾತೆರುನ ಆಡಿಯೋ ವೈರಲ್ ಆತ್ಂಡ್. ಅಕೇರಿಗ್ ಸಿಟಿ ಹಾಸ್ಪಿಟಲ್‌ದಕುಲು ಬಿಲ್ ಕಟ್ಟೊಚ್ಚಿ ಪನ್ದ್ ಪಂತೆರ್‌ಗೆ. ಈ ವಿಷಯೊಡು ಇನಿ ಎಬಿವಿಪಿದಕುಲು ಸಿಟಿ ಹಾಸ್ಪಿಟಲ್‌ದ ಎದುರು ಪ್ರತಿಭಟನೆ ಮಲ್ಪುನ ಅಟ್ಟನೆ ಮಲ್ದೆರ್.