Last updated on June 1st, 2023 at 04:13 pm
ಉಬಾರ್: ಶ್ರೀ ಮಾಂಕಾಳಿ ಅಬ್ಬೆನ ದೇಲಂತಡೆದ ಗರ್ಭಗುಡಿಕ್ ಪಗೆಲ್‌ಡೇ ಪೊಗ್ಗಿನ ಕಲ್ವೆ ಒರಿ ಅಬ್ಬೆನ ಒರುರ್ದ್ ಬಂಗಾರ್ ಲೇಪನೊದ ಬೊಳ್ಳಿದ ಜುಮುಕಿನ್ ಕಂಡ್‌ದ್ ಪದ್ರಾಡಾತಿನ ನಡಕೆ ಉಬಾರ್‌ಡ್ ನಡತ್‌ದ್ಂಡ್.
ಮೇ 31 ತಾನಿ ಈ ನಡಕೆ ನಡತ್‌ದ್ಂಡ್. ಮೇ 31ತಾನಿ ಅಬ್ಬೆನ ಮೂರ್ತಿಡುಪ್ಪುನ ಜುಮುಕಿ ಇಜ್ಜಂದಿನ ದೇಲಂತಡೆದ ಬಟ್ರೆಗ್ ತೆರಿದ್ಂಡ್. ಬೊಕ್ಕ ಸಿಸಿ ಕ್ಯಾಮರಾ ತೂನಗ ಮೇ 30ದಾನಿ 1.15 ರ್ದ್ 1.33 ತ ಉಲಯಿ ದೇಲಂತಡೆಗ್ ಬತ್ತಿನ ವ್ಯಕ್ತಿಯೊರಿ ಅಲ್ಪ ಏರ್ಲ ಇಜ್ಜಂದಿನೆನ್ ತೂದು, ಸೀದಾ ಗರ್ಭಗುಡಿಕ್ ಪೊಗ್ಗುದು ಅಬ್ಬೆನ ಮೂರ್ತಿರ್ದ್ ಕೆಬಿತ ಬೆಂಡ್‌ಗ್ ತಿಕ್ಕಾದಿತ್ತಿನ ಬಂಗಾರ್ ಲೇಪನೊದ ಬೊಳ್ಳಿದ ಜುಮ್ಕಿನ್ ಕಂಡ್‌ದ್ ಪದ್ರಾಡಾತಿನ ತೆರಿದ್‌ಬೈದ್ಂಡ್. ಉ್ಂಬ್ಯೆ ಭಕ್ತನ ಲೆಕ ಉಲಯಿ ಬೈದೆ, ಬನ್ನಗ ಅಲ್ಪ ಏರ್ಲಾ ಇಜ್ಜಂಡ್ . ಜುಮ್ಕಿನ್ ಕಂಡ್‌ದ್ ದೇಲಂತಡೆರ್ದ್ ಪಿದಯಿಬನ್ನಗಲಾ ಉ್ಂಬ್ಯೆ ಅಬ್ಬೆಗ್ ಕೈ ಮುಗಿಯೊಂದು ಬತ್ತಿನವು ಸಿಸಿ ಕ್ಯಾಮರಾಡ್ ಕೈದಾತ್ಂಡ್. ಮುಲ್ಪದ ಮಾಂಕಾಳಿ ಅಬ್ಬೆನ ಮೂರ್ತಿ ಮಾಮಲ್ಲ ಮೂರ್ತಿಯಾದಿತ್ತ್‌ದ್, ಈ ಜುಮ್ಕಿ ಬುಡ್ಂಡ ಆಬ್ಬೆನ ಮೂರ್ತಿದ ಮಿತ್ತುಪ್ಪುನ ಒರಿನ ಮಾತಾ ಪದ್ದೈಲು ಬಂಗಾರ್‌ದವಾದುಲ್ಲ. ಆಂಡ ಗಡಿಬಿಡಿಟ ದಾನ್ನ ಅವೆನ್ ಮಾತ ಬುಡುದ್ ಜುಮ್ಕಿನ್ ಮಾತ್ರ ಒಯ್ತೊಂದು ಬೈದೆ. ಕಂಡ್‌ದ್ ಪೋತಿನೆತ ಬಗ್ಗೆ ದೇಲಂತಡೆದಕುಲು ಉಬಾರ್ ಪೊಲೀಸ್ ಸ್ಟೇಷನ್‌ಡ್ ಒಯಿಲ್ ಕೊರ್ತೆರ್.