Last updated on August 15th, 2023 at 06:40 pm
ಜ್ವರೊಕು ಕುಡ್ಲದ ಆಸ್ಪತ್ರೆಡ್ ಆಡ್ಮಿಟ್ ಆದ್ ಮರ್ದ್ ಮಲ್ತೊಂದಿತ್ತಿನ ಪೊಂಜೊವು ಒರ್ತಿ ತೀರ್ದೆರ್. ಕಾಸ್ರೋಡ್ ಚೆಮ್ಮನಾಡ್‌ದ ಅಳಕೆಂ ಪಾಟಿಕಲ್‌ದ ಶ್ರೀಜಿತ್ ಪನ್ಪಿನಾರೆನ ಬೊಡೆದಿ ಅಶ್ವತಿ (28) ತೀರ್ದಿನಾರ್. ಅಶ್ವತಿ ಟಿಟಿಸಿ ಕಲ್ತೊಂದಿತ್ತೆರ್. ಗುರುವಾರ ಕಾಂಡೆ ಮೇರ್ ತೀರ್ದೆರ್.
ಸೋಮವಾರದಾನಿ ಅಶ್ವತಿ ಮೆರೆಗ್ ಜ್ವರ ಸುರು ಆತ್ಂಡ್. ಆನಿಯೇ ಆರೆನ್ ಕಾಸ್ರೋಡ್‌ದ ಆಸ್ಪತ್ರೆಗ್ ಸೇರಾದಿತ್ತೆರ್. ಅಂಗಾರೆ ಜ್ವರ ಎಚ್ಚಾದ್, ಎಚ್ಚಿನ ಮರ್ದ್‌ಗ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ಸೇರಾದಿತ್ತೆರ್.
ಕಾಸ್ರೋಡ್‌ಡೊರ್ಮೆ ಜ್ವರೊತ ಪ್ರಕರಣೊಲು ವರದಿಯಾವೊಂದುಲ್ಲ. ಜಿಲ್ಲೆಡ್ ಇತ್ತೆ ಒರ್ಮ್ಬ ಶಂಕಿತ ಡೆಂಗೆ ರೋಗಿಲೆಗ್ ಮರ್ದ್ ನಡತೊಂದುಂಡು. ಜಿಲ್ಲೆಡ್ 619 ಜನ ಜ್ವರೊಕು ಮರ್ದ್ ಗೆತೊಂದೆರ್. ಅವೆಟ್ ಒಂಜಿ ಜನಕ್ ರೇಬೀಸ್‌ಲಾ ಇತ್ತ್ಂಡ್.