Last updated on August 3rd, 2023 at 08:26 pm
ಕಾಸ್ರೋಡ್: ಒಂಜೇ ಇಲ್ಲದ ನಾಲ್ ಜನೊತ ಪುನ ಅಕುಲಿತ್ತಿನ ಮಲಪ್ಪುರಂ ಮುಂಡುಪರಂಬ ಮೈತ್ರಿ ಕಾಲನಿದ ಬಾಡಾಯಿದಿಲ್ಲಡ್ ಕೋಡೆ (ಗುರುವಾರ) ತಿಕ್ಕ್‌ದ್ಂಡ್. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಕಾಸ್ರೋಡ್ ಬ್ರ್ಯಾಂಚ್‌ದ ಮ್ಯಾನೇಜರ್ ಶೀನಾ, ಆರೆನ ಕಂಡನೆ ಬೊಕ್ಕ ರಡ್ಡ್ ಜೋಕುಲು ತೀರ್ದಿನಕುಲು. ಸುರುತ ಜಡ್ತೆಡ್ ಜೋಕುಲೆಗಿತ್ತಿನ ಗುಣ ಮನ್ಪರೆಗಾವಂದಿನ ಅನುವಂಶಿಕ ರೋಗೊನೇ ಮೊಕಲೆನ ಸಾವುಗು ನೆವನ ಆದುಪ್ಪು ಪಂದ್ ತೋಜಿದ್ ಬರೊಂದುಂಡು.
ಶೀನಾ(35) ಬೊಕ್ಕ ಆರೆನ ಕಂಡನೆ ಸಬೀಶ್(37) ಮೊಕಲ್ನ ಪುನ ಬಲ್ಲ್ ಪಾಡೊಂದಿನ ಲೆಕ, ಜೋಕುಲು ಗೋವಿಂದ್(6) ಬೊಕ್ಕ ಶ್ರೀವರ್ಧನ್(2.5) ನಕಲೆನ ಪುನ ನೆಲೊಟು ಜೆತ್ತ್‌ದಿತ್ತಿನ ಲೆಕ ತಿಕ್ಕ್‌ದ್ಂಡ್.
ಈ ಜೋಕುಲೆಡ್ ಮಲ್ಲಾಯಗ್ ಕರಿನ ತಿಂಗೊಲು ಡ್ಯುಶೆನ್ ಮಸ್ಕ್ಯುಲಾರ್ ಡಿಸ್ಟ್ರೋಫಿ( DMD- Ducchen Muscular Dystrophy) ಪನ್ಪಿನ ಅನುವಂಶಿಕ ರೋಗೊ ಇಪ್ಪುನ ತೆರಿದ್‌ಬೈದ್ಂಡ್. ಎಲ್ಯ ಮಗಕ್ಲಾ ಈ ರೋಗ ಇಪ್ಪು, ಜೆನೆಟಿಕ್ ಸ್ಕ್ರೀನಿಂಗ್ ಮನ್ಪಲೆ ಪಂಡ್‌ದ್ ಬೈದ್ಯೆರ್ ಪಂಡ್‌ದಿತ್ತೆರ್.
ಗುಣ ಮನ್ಪೆರಗಾವಂದಿನ ಈ ರೋಗ ಜೋಕುಲೆಗ್ ಬತ್ತಿನೆರ್ದಾವರ ಬೆಸರ್‌ಡೇ ಜೂನ ದೆತ್ತೊಂಡೆರ್ ಪಂದ್ ಜಡ್ತೆಡ್ ತೋಜಿದ್‌ಬರೊಂದುಂಡು.