Last updated on August 3rd, 2023 at 08:22 pm
ಕುಡ್ಲ : ಡ್ರೈವರ್ ಒರಿ ಬಸ್ ಬುಡೊಂದು ಮೊಬೈಲ್ ಒತ್ತೊಂದಿತ್ತಿನ ವೀಡಿಯೊ ಒಂಜಿ ವೈರಲ್ ಆತ್ಂಡ್. ಉಂದೆನ್ ಪೋಲೀಸೆರ್ ತೂದು ಇತ್ತೆ ಡ್ರೈವರ್ನ ಲೈಸೆನ್ಸೇ ರದ್ದ್ ಮಲ್ಪರೆ ಕುಡ್ಲದ ಆರ್ಟಿಓ ಅಧಿಕಾರಿಲೆಗ್ ತೆರಿಪಾದೆರ್.
ಕುಡ್ಲರ್ದ್ ತಲಪಾಡಿಗ್ ಪೋಪಿನ ರೂಟ್ ನಂ 24 ಬಸ್ದ ಡ್ರೈವರ್ ಸುಮಾರ್ 2 ಕಿಲೋ ಮೀಟರ್ ಮೊಬೈಲ್ ಗಲಸೊಂದೇ ಬಸ್ ಬುಡೊಂದಿತ್ತಿನ ತೆರಿದ್ ಬೈದ್ಂಡ್. ಸಿಟಿ ಬಸ್ ಬುಡ್ನಗ ಪ್ರಯಾಣಿಕೆರೆನ ಜೀವೊಗು ಸಂಚಿಕಾರ ಆಪಿಲೆಕ್ಕ ಮೊಬೈಲ್ ಗಲಸಿನೆತ್ತ ವಿರುದ್ದ ಇತ್ತೆ ಪೋಲೀಸೆರ್ ಪಿಸಿರಾತೆರ್.