Last updated on August 3rd, 2023 at 08:23 pm
ಪಣಂಬೂರು : ಕುಡ್ಲಡ್ ಆ್ಯಂಟಿ ಕಮ್ಯೂನಲ್ ವಿಂಗ್ ಸುರು ಆಯಿನೆರ್ದ್ ಬೊಕ್ಕಲಾ ಪೇಂಟೆಡ್ ಸುಕ್ರಾರ ಬಯ್ಯಡ್ ನೈತಿಕ ಪೊಲೀಸ್‌ಗಿರಿ ನಡತಿನ ಬಗ್ಗೆ ವರದಿಯಾತ್ಂಡ್.
ಕುಡ್ಲದ ಪುದರ್‌ಪೋತಿನ ಮೆಡಿಕಲ್ ಕಾಲೇಜಿದ ವಿದ್ಯಾರ್ಥಿಲೆನ ಮಿತ್ತ್ ನೈತಿಕ ಪೊಲೀಸ್‌ಗಿರಿ ನಡತ್‌ದ್ಂಡ್ ಪಂದ್ ತೆರಿದ್‌ಬೈದ್ಂಡ್.
ಸುಕ್ರಾರ ಬಯ್ಯಡ್ 5:30ತ ಅಂದಾಜಿಗ್ ಪಣಂಬೂರ್ ಬೀಚ್‌ಗ್ ಬತ್ತಿತ್ತಿನ ವಿದ್ಯಾರ್ಥಿಲೆನ್ ತೂವೊಂದಿತ್ತಿನ ರಡ್ಡ್ ಜನ ತನ್ಕುಲೆ ಮೊಬೈಲ್‌ಲೆಡ್ ವಿದ್ಯಾರ್ಥಿಲೆನ ವೀಡಿಯೋ ಮಲ್ತೊಂದಿತ್ತೆರ್. ವಿದ್ಯಾರ್ಥಿಲು ಉ್ಂದೆನ್ ತೂದುಲಾ ದಾಲ ಪಾತೆರ್ರೆ ಪೋಯಿಜೆರ್. ಸುಮಾರ್ 6 ಗಂಟೆದ ಅಂದಾಜಿಗ್ ವಿದ್ಯಾರ್ಥಿಲೆಡಿತ್ತಿನ ಜವನೆರ್ ಬೈಕ್‌ಡ್ ಅಲ್ಪರ್ದ್ ಪೋಯೆರ್ನ್ಡ, ಜವನ್ದಿಯರ್ಲು ಬಸ್‌ಡ್ ಪಿರಪೋತೆರ್ಂದ್ ತೆರಿದ್‌ಬೈದ್ಂಡ್.
ವಿದ್ಯಾರ್ಥಿನಿಲೆಡೊರ್ತಿ ಕ್ರಿಶ್ಚಿಯನ್ ಸಮುದಾಯೊದಾಲ್, ಆಲ್ ಚಿಲಿಂಬಿಡ್ ಬಸ್‌ರ್ದ್ ಜತ್ತ್‌ದ್ ತನ್ನ ಪಿಜಿದಂಚಿ ಪೋವೊಂದುಪ್ಪುನಗ ಪಣಂಬೂರ್ ಬೀಚ್‌ಡ್ ಫೋಟೋ/ವೀಡಿಯೋ ಮಲ್ತೊಂದಿತ್ತಿನಕುಲು ಬೆರಿಯೆ ಬತ್ತ್‌ದ್ ಈ ಜವನ್ದಿನ ಮಿತ್ತ್ ಕೈಪಾಡ್ದ್ ಜೋರು ಮಲ್ತ್‌ದಾ, “ಕೇರಳ ಸ್ಟೋರಿ ತೂದುಲಾ ನಿಕ್ಲೆಗ್ ಬುದ್ಧಿ ಬರ್ಪುಜಾ” ಪಂದ್ ಪೆದಂಬು ನೆರ್ತೆರ್ಂದ್ ವಿದ್ಯಾರ್ಥಿನಿ ಉರ್ವಸ್ಟೋರ್ ಪೊಲೀಸ್ ಸ್ಟೇಶನ್‌ಗ್ ಕೊರ್ತಿನ ಒಯಿಲ್‌ಡ್ ತೆರಿಪಾದೆರ್ ಪಂದ್ ತೆರಿದ್‌ಬೈದ್ಂಡ್.