Last updated on August 3rd, 2023 at 08:26 pm
ಪಾಂಡೇಶ್ವರ ಪೊಲೀಸ್ ಸ್ಟೇಶನ್ ಸೀಮೆಡ್, ಮುಳಿಬಿತ್ತಿಲ್ ಪನ್ಪಿನವುಲು ಮುರಾನಿ ಕೊಲೆಯಾತಿನ ಕಾರ್ಮಿಕೆ ಗಜ್ವಾನ್ ಯಾನೆ ಜಗು ಪನ್ಪಿನಾಯನ ಪುರಾಪು ನಾಡೆರ ಸಕಾಯ ಮನ್ಪೆರ ಪಾಂಡೇಶ್ವರ ಪೊಲೀಸೆರ್ ಸಾರ್ವಜನಿಕೆರ ಬಿನ್ನಪು ಮಲ್ದೆರ್.
ಬಡಕಾಯಿ ಭಾರತ ಮೂಲೊದಾಯೆ ಪಂದ್ ಪನೊಂದುಪ್ಪುನ ಉ್ಂಬ್ಯನ ಎದುರು ಪಿರವು ಏರ್ಂದ್ ನನಲಾ ತೆರಿದಿಜಿ. ಮುಲ್ಪ ಉ್ಂಬ್ಯನ್ ಗಜ್ವಾನ್ ಅತ್ತ್ಂಡ ಜಗು ಪಂದ್ ಲೆತ್ತೊಂದಿತ್ತೆರ್. ಆಂಡ ನಿಜ ಪುದರ್ ದಾಯ್ತ ಪಂದ್ ಏರೆಗ್ಲಾ ಗೊತ್ತುಜ್ಜಿ. ಸುಮಾರ್ 5.5 ಫೀಟ್ ಎತ್ತರ, ಎಣ್ಣೆಕಪ್ಪು ಮೈಬಣ್ಣ, ಗಟ್ಟಿ ಶರೀರ, ಕಪ್ಪು ಕುಜಲ್, ಕುರ್ಮ್ಬೆಲ್ ಗಡ್ಡ ಇತ್ತಿನ ಉ್ಂಬ್ಯನ ಸಂಬಂಧಿಕೆರ್ ಅತ್ತ್ಂಡ ಗುರ್ತೊದಕುಲಿತ್ತ್ಂಡ ಪಾಂಡೇಶ್ವರ ಸ್ಟೆಷನ್‌ಗ್ (0824-2220518) ತೆರಿಪಾವರೆ ಪೊಲೀಸೆರು ಪನ್ತೆರ್.
ಕೊಲೆ ಆರೋಪಿ ಅಂಗಡಿದ ದನಿ ತೌಸಿಫ್ ಹುಸೇನ್ ಮೂಲತಃ ಹಾಸನದ ಬೇಲೂರ್‌ದಾಯೆ ಆದಿತ್ತ್‌ದ್, ಕುಡ್ಲಡ್ ಇಪ್ಪೆದೆ ಪಂದ್ ಪೊಲೀಸೆರ್ ತೆರಿಪಾದೆರ್. ಆರೋಪಿಗ್ ನ್ಯಾಯಂತಡೆ 15 ದಿನೊತ ನ್ಯಾಯಾಂಗ ಕೈದ್ ಕೊರ್ತ್ಂಡ್.