Last updated on August 3rd, 2023 at 08:22 pm
ಕರಿನ 24 ಗಂಟೆಡ್ ಲೆಕ್ಕ ಮೀರ್ದ್ ಬತ್ತಿನ ಬರ್ಸೊರ್ದಾವರ ಇನಿಲಾ ಕುಡ್ಲ ಬೊಕ್ಕ ಒಡಿಪು ಜಿಲ್ಲೆಗ್ ಹವಾಮಾನ ಇಲಾಖೆ ರೆಡ್ ಅಲರ್ಟ್ ಕೊರ್ತುಂಡು. ಕುಡ್ಲ ಜಿಲ್ಲೆದ ತುದೆಕುಲು ಅಪಾಯದ ಮಟ್ಟ ಮೀರ್ದ್ ತಮೆಲೊಂದುಲ್ಲ.
ಒಡಿಪುಡು ಮೂಜಿ ಜನ ಮುರ್ಕುದು ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್. ಹೆಬ್ರಿ ತಾಲೂಕುದ ರಚನಾ ಪನ್ಪಿನ ಪೊಣ್ಣು ಕಾರ್ ಜಾರ್‌ದ್ ತುದೆಕ್ ಬೂರುದು ಐತಾರ ತೀರಿಯೆರ್. ಬ್ರಹ್ಮಾವರ ಕರ್ಕುಂಜದ ಶ್ರೀನಿವಾಸ ಪ್ರಭು ಮೇರ್ಲಾ ಪರಪು ನೀರ ಗುಂಡಿಗ್ ಬೂರ್ದ್ ತೀರಿಯೆರ್, ಕಾರ್ಲ ಶಿರ್ಲಾಲು ಗ್ರಾಮದ ಪ್ರಾಯದ ಪೊಂಜೊವುನ ಪುನ ಅನ್ನಲು ತುದೆಟ್ ತಿಕ್ಕ್ಂಡ್.
ಒಡಿಪು, ಕುಡ್ಲ ಜಿಲ್ಲೆದೊರ್ಮೆ ಸುಮಾರ್ ಇಲ್ಲ್ ಬದ್ಕ್ ಬರ್ಸೊಗು ಮರ ಬೂರ್ದು ಪೋತುಂಡು. ವಾರಂಗದ ಭೋಜ ಪೂಜಾರ್ಲೊನ ಇಲ್ಲ್ ಮರ ಬೂರ್ದ್ ಪೂರಾ ಪೊಡಿ ಪೊಡಿ ಆತ್ಂಡ್. ಇನಿ ಕುಡ್ಲ ಬೊಕ್ಕ ಒಡಿಪು ಜಿಲ್ಲೆದ ಶಾಲೆ-ಕಾಲೇಜಿಲೆಗ್ ರಜೆ ಕೊರ್ತೆರ್.