Last updated on June 13th, 2025 at 08:41 am
ಯು.ಎ.ಇ. ದ ಅಲ್-ಐನ್ ಡ್ ನಡತಿನ 2025 IIHF ವುಮೆನ್ಸ್ ಏಷಿಯಾ ಕಪ್ಡ್ ಭಾರತೊದ ಪೊಂಜೊವುಲೆನ ಐಸ್ಹಾಕಿ ಟೀಮ್ ತನ್ನ ಕಡೀರ ಕಂಚಿದ ಪದಕ ಗೆಂದ್ದ್ ಸಾದಗೊ ಬೆನ್ತ್ಂಡ್. ಮೇ 31 ರ್ದ್ ಜೂನ್ 6 ಮುಟ್ಟ ನಡತಿನ ಈ ಗೊಬ್ಬುದ ಪಂತೊಡು ಭಾರತೊದ 20 ಜನೊತ ಟೀಮ್ಡ್ 10 ಜನ ಇಂಡೋ ಟಿಬೆಟಿಯನ್ ಬಾರ್ಡರ್ ಪೊಲೀಸ್ದಕುಲೇ ಇತ್ತಿನ ವಿಶೇಷ.
ಬೇತೆ ಐನ್ ದೇಶೊಲೆನ ಎದುರು ನಡತಿನ ಐನ್ ಗೊಬ್ಬುಲೆಡ್, ಮೂಜೆನ್ ಗೆಂದ್ದ್ ಮೂಜನೇ ತಾನೋ ಪಡೆಯೆರ್.
ಸಮಗಟ್ಟ್ದ ಟ್ರೈನಿಂಗ್ ಸೊತ್ತುಲು, ವ್ಯವಸ್ಥೆಲುದಾಂತೆ, ಪಾಕ ಬಂಙೊಲೆಗ್ ತಿಗಲೆ ಕೊರ್ದು, ಲಡಾಖ್ಡ್ ಚಳಿಕ್ ಗಟ್ಟಿ ಆತಿನ ಕೆದುತ ಮಿತ್ತ್ ಪ್ರಾಕ್ಟೀಸ್ ಮಲ್ತ್ದ್ ಈ ತಂಕೊದ ಪೊಂಜೊವುಲು ಈ ಸಾದಗೊ ಬೆನ್ತೆರ್.
ಪಜ್ಜೆ ಪಜ್ಜೆಡ್ “ಇಲ್ಲಗ್ ಪೋಲೆ, ಜೋಕುಲೆನ್ ತೂವೊನ್ಲೆ”, “ಉಂದೆನ್ ಮಾತಾ ಬುಡುದು ನಿಕುಲು ನಲಿಪೆರೆ ಪೋಲೆ” ಪನ್ಪಿ ಮಕ್ಕರ್, ತುಚ್ಚಿಪಾತೆರೊಲೆಗ್ ತನ್ಕುಲು ಗೆಂದಿನ ಕಂಚಿದ ಪದಕೊಡೇ ಸದು ಕೊರ್ತೆರ್.
ಭಾರತೊದ ಈ ಟೀಮ್ದ ಕ್ಯಾಪ್ಟನ್, ರಿಂಚೆನ್ ಡೋಲ್ಮಾ ತನ್ನ ಆಜಿ ತಿಂಗೊಲ್ದ ಪೊಣ್ಣು ಬಾಲೆನ್ ಪತೊಂದು ಪ್ರಾಕ್ಟೀಸ್ಗ್ ಬರೊಂದಿತ್ತೆರ್.
IIHF ವುಮೆನ್ಸ್ ಏಷಿಯಾ ಕಪ್ಡ್ ಗೊಬ್ಬೆರೆ ಸುರು ಮಲ್ತ್ದ್ ಸುಮಾರ್ ಒಂಜಿ ದಶಕ ಮುಟ್ಟ ಕಾತ್ದ್ ಇತ್ತೆ ಭಾರತೊಗು ತನ್ನ ಕಡೀರ್ದ ಪದಕೊ ತಿಕ್ಕ್ದ್ಂಡ್.