Last updated on October 25th, 2026 at 08:21 am
ಕುಡ್ಲ, ಅ.25: ಕೆರ್ತಿನ ಬೊಕ್ಕ ಬೇತೆ ಗಂಭೀರ ಆರೋಪಲೆನ್ ಮಲ್ತ್‌ದ್ ಪೊಂಜೊವುನ ಇಲ್ಲದಕ್ಲೆನ ಪುದರ್‌ನ್ ಸಾರ್ವಜನಿಕವಾದ್ ತೆಟ್ಟ್ ಮಲ್ಪುನ ಮುಕೇನ ಕಾಸ್ ಬೊಕ್ಕ ಆಸ್ತಿನ್ ಲೂಟೆರೆ ಪ್ಲಾನ್ ಮಲ್ದಿನ ಆರೋಪಡ್ 42 ವರ್ಸೊದ ಆಂಜೊವುನು ಉರ್ವ ಪೊಲೀಸೆರ್ ಕೈದ್ ಮಲ್ತ್‌ದೆರ್.
ಮಾಯಾ ಅನ್ನಾಮರಿ ರೇಗೊ ಮೇರ್ ಆಗಸ್ಟ್ 10, 2026ತಾನಿ ಉರ್ವ ಪೊಲೀಸ್ ಸ್ಟೇಶನ್‌ಡ್ ಈ ಬಗೆಟ್ ಒಯಿಲ್ ಬರೆಪಾದೆರ್. ಆರೆನ ಇಲ್ಲಜಕಲೆನ ಮಿತ್ತ್ ಕಲು ಆರೋಪ ಮಲ್ತ್‌ದ್ ಇಲ್ಲದಕಲೆನ ಗೌರವಗ್ ತೆಟ್ಟ್ ಮಲ್ತ್‌ದ್, ಕಾಸ್ ಬೊಕ್ಕ ಆಸ್ತಿನ್ ಲೂಟೆರೆ ಪ್ಲಾನ್ ಮಲ್ತೊಂದುಲ್ಲೆರ್ ಪನ್ದ್ ಆರ್ ಒಯಿಲ್‌ಡ್ ಬರೆಪಾದೆರ್. ಈ ದಗಲ್ಬಾಜಿಡ್ ಪಾಲ್‌ಪಡೆತಿನಕಲೆನ ಮಿತ್ತ್ ಕ್ರಮ ಗೆತೊನರೆಲಾ ಆರ್ ಬಿನ್ನಪು ಮಲ್ತಿತ್ತೆರ್.
ಒಯಿಲ್‌ದ ಆಧಾರೊಡು ಉರ್ವ ಪೊಲೀಸೆರ್ ಅಪರಾಧ ಸಂಖ್ಯೆ 83/2026ತ ಅಡಿಟ್ ಭಾರತೀಯ ನ್ಯಾಯ ಸಂಹಿತೆ (ಬಿಎನ್‌ಎಸ್) ಸೆಕ್ಷನ್ 61(ಎ)(1) ಬೊಕ್ಕ 308(7)ತ ಅಡಿಟ್ ಪ್ರಕರಣ ದಾಕಲ್ತೊಂದು ಜಡ್ತೆ ಸುರು ಮಲ್ತ್‌ದೆರ್. ಜಡ್ತೆದ ಪೊರ್ತುಡು ತಿಕ್ಕಿನ ಸಾಕ್ಷ್ಯೊಲೆನ್ ಪರಿಶೀಲನೆ ಮಲ್ತಿನ ಪೊಲೀಸೆರ್, ಳಳ ಶಕ್ತಿನಗರದ ಪದವುದ ಗಣಮಜಲ್ ನಿವಾಸಿ, ಜೋಸೆಫ್ ಥೋರ್ಸ್ ಮೆರೆನ ಮಗೆ ನವೀನ್ ಥೋರ್ಸ್ (42) ಪನ್ಪಿನಾಯನ್ ಅಕ್ಟೋಬರ್ 23 ತಾನಿ ಕೈದ್ ಮಲ್ತ್‌ದೆರ್. ಕೈದಾತಿನ ಆರೋಪಿನ್ ಅಕ್ಟೋಬರ್ 24ತಾನಿ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್‌ದ್, ನ್ಯಾಯಂತಡೆ ಆಯನ್ ನ್ಯಾಯಾಂಗ ಕೈದ್‌ಗ್ ಒಪ್ಯಾದ್ಂಡ್.
ಪ್ರಕರಣೊಡು ಬೇತೆ ಏರ್ನಲಾ ಕೈ ಉಂಡಾ ಪನ್ದ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.
Kudla: Kertina Aaropa Malt’d Ponjovuna Illadaklerd Kaas, Aasti Lootuna Plan – Aaropi Kaid
Kudla, October 25: Kertina bokka beete gambheera aaropalene malt’d ponjovuna illadaklena pudar’n sarvajanikaad tett malpuna moolaka kaas bokka aastin lootere plan maltina aaropad 42 varshoda aanjovunu Urva police’r kaid maltder.
Maya Annamari Rego mer August 10, 2026-taani Urva Police Station-d ee baget complaint barepader. Arel illadaklena mitth kalu aaropa malt’d illadaklena gauravak tett malt’d, kaas bokka aastin lootere plan maltonduller pand ar complaint-d barepader. Ee dagalbaajid paal padetinaaklena mitth kram getonarela ar binnapu maltitter.
Complaint-da aadhaarodu Urva police’r aparadha sankhye 83/2026-ta adit Bharatiya Nyaya Sanhite (BNS) section 61(2)(a) bokka 308(7)-ta adit prakaran daakalthond investigation suru maltder. Investigation-da porthudu tikkina saakshyolene parishilane maltina police’r, Lallbagh Shaktinagarada Padavu Ganamajal nivaasi, Joseph Thores merena mage Naveen Thores (42) panpinaayan October 23-taani kaid maltder. Kaidaatina aaropin October 24-taani nyaayantadeda eduru letthond podittd, nyaayantade ayan nyaayanga kaid-g oppyaadnd.
Prakaranodu beete yernaala kai unda pand police’r investigation maltonduller.