ಕಾಸ್ರೋಡು : ಮೀಯರೆ ಕೆದುಕು ಪೋಯಿನ ಮೆಗ್ಗೆ ಪಲಯೆ ನೀರ್‌ಡ್ ಮುರ್ಕುದು ತೀರಿಯೆರ್

Last updated on August 3rd, 2023 at 08:28 pm

ಮೀಯರೆ ಪನ್ದ್ ಕೆದುಕು ಜತ್ತಿನ ಮೆಗ್ಗೆ ಪಲಯೆ ನೀರ್‌ಡ್ ಮುರ್ಕುದು ತೀರಿನ ನಡಕೆ ಕಾಸ್ರೋಡುದ ಮೊಗ್ರಾಲ್ ಕೊಪ್ಪಳ ಪನ್ಪಿನಲ್ಪ ಇನಿ ಮದ್ಯಾಹ್ನ ನಡತ್ಂಡ್.

ಮಂಜೇಶ್ವರದ ಮಜಿಬೈಲ್‌ದ ಖಾದರ್ ಬೊಕ್ಕ ಮೊಗ್ರಾಲ್ ಕೊಪ್ಪಳದ ನಸೀಮಾ ಮೊಕಲೆನ ಜೋಕುಲಾಯಿನ ನವಾಝ್ ರಹ್ಮಾನ್(22) ಬೊಕ್ಕ ನಾದಿಲ್(17) ತೀರಿನಕುಲು.

ಅಲ್ಪದಕುಲು ಮೊಕಲೆನ್ ದೆತ್ತ್ ಆಸ್ಪತ್ರೆಗ್ ಕೊನೊಂಡಲಾ, ಮರ್ದ್ ಪಲಿಪಂದೆ ಮೊಕುಲು ತೀರಿಯೆರ್. ಈದ್ ಪರ್ಬೊಗು ಅಜ್ಜಿಲ್ಲಗ್ ಬೈದಿನ ಜೋಕುಲು ಕೆದುಕು ಮೀಯರೆ ಪೋದು ಈ ದುರಂತ ಆಂಡ್. ಕುಂಬಳೆ ಪೋಲೀಸೆರ್ ಜಾಗೆಗ್ ಬತ್ತ್ ಪ್ರಕರಣ ಪಾಡೊಂಡೆರ್.