Last updated on August 3rd, 2023 at 08:28 pm
ಟೀಚರ್‌ನಕಲೆನ ಲಡಯಿರ್ದ್ ಶಾಲೆಡಿತ್ತಿನ 36 ಜೋಕುಲು ಆ ಶಾಲೆ ಬುಡ್ದ್ ಬೇತೆ ಶಾಲೆ ಸೇರಿನ ನಡಕೆ ಬೊಲ್ತೇರ್‌ಡ್ ನಡದ್ಂಡ್. ಬೊಲ್ತೇರ್‌ದ ದ.ಕ ಜಿಲ್ಲಾ ಪಂಚಾಯತ್ ಪೆರಿಯ ಪ್ರಾಥಮಿಕ ಶಾಲೆ, ಸೊನಂದೂರುಡು ಜೋಕುಲು ಶಾಲೆಗ್ ಬರ್ಪಿನ ಉಂತಾದ್ ಕೈತಲ್ದ ಬೇತೆ ಸರಕಾರಿ ಶಾಲೆಗ್ ಪೋತೆರ್.
ಶಿಕ್ಷಣ ಇಲಾಖೆಗ್ ಈ ವಿಷಯ ತೆರಿನೇ, ಅವೆನ್ ಸಮ ಮಲ್ಪರೆ ತೂದು, ಲಡಯಿ ಮಲ್ಪುನ ಟೀಚರ್‌ನಕಲೆನ್ ವರ್ಗಾವಣೆ ಮಲ್ತ್ ಜೋಕುಲೆನ ಅಪ್ಪೆಮ್ಮಲೆನ್ ಪಿರ ಜೋಕುಲೆನ್ ಬರ್ಪಿ ವಾರೊರ್ದು ಅವ್ವೇ ಶಾಲೆಗ್ ಕಡಪುಡರೆ ಒತ್ತೊನುನಲೆಕ ಮಲ್ತೆರ್.
ಒಂಜೇ ಜಾತಿದ ಮೂಜಿ ಟೀಚರ್‌ನಕುಲು ಕರಿನ ಮೂಜಿ ವರ್ಸೊರ್ದಿಂಚಿ ಅಲ್ಪ ಯಾಪಲಾ ಉಲಯಿರ್ದ್ ಉಲಯಿ ಲಡಯಿ ಮಲ್ತೊಂದಿತ್ತೆರ್ಗೆ. ಉಂದೆರ್ದಾತ್ರ ಜೋಕುಲೆನ ಶಿಕ್ಷಣ ಬೊಕ್ಕ ಶಾಲೆದ ಆಡಳಿತೊಗು ಮಲ್ಲ ಪೆಟ್ಟ್ ಬೂರೊಂದಿತ್ತ್ಂಡ್. ಉಂದೆರ್ದ್ ಬೊಡಿನ ಶಾಲೆಡಿತ್ತಿನ ಮಾತಾ 36 ಜೋಕುಲು ಆ ಶಾಲೊನ್ ಬುಡ್ದ್ ಕುವೆಟ್ಟುದ ಶಾಲೆಗ್ ಸೇರಿಯೆರ್. ಉಂದೆರ್ದ್ ದುಂಬುಲ ಈ ಟೀಚರ್‌ನಕಲೆಗ್ ದಾದ ಇತ್ತ್ಂಡಲ ಸರಿ ಮಲ್ತೊಂದು ಶಾಲೆಗ್ ತೊಂದರೆ ಆವಂದಿಲೆಕ್ಕ ಬೇಲೆ ಮಲ್ಪೊಡು ಪನ್ಪಿನ ಎಚ್ಚರಿಕೆನ್ ಕೊರ್ದಿತ್ತ ಪನ್ದ್ ಬೊಲ್ತೇರ್‌ದ ಬಿಇಒ ವಿರೂಪಾಕ್ಷೆರ್ ತೆರಿಪಾದೆರ್.