Last updated on August 3rd, 2023 at 08:22 pm
ಕುಡ್ಲ ಪೇಂಟೆದ ಜೇಸನ್ ದೀಪಕ್ ಸಲ್ಡಾನ್ಹಾ ಮೇರ್ ಥಾಯ್ಲೆಂಡ್ ರ್ಯಾಲಿ ಚಾಂಪಿಯನ್‌ಶಿಪ್‌ಡ್ 2WD ಡ್ ಒಟ್ಟು ರಡ್ಡನೇ ಬೊಕ್ಕ ಆರ್‌ಸಿ 2.1ಡ್ ರಡ್ಡನೇ ತಾನೊ ಗೆಂದಿಯೆರ್. ಜುಲೈ 22-23 ತಾನಿ ಥಾಯ್ಲೆಂಡ್‌ದ ಲೋಪ್‌ಬುರಿಡ್ ಈ ಪಂತೊ ನಡತ್‌ದಿತ್ತ್ಂಡ್.
ಕುಡ್ಲ ಮೂಲೊದ, ಇತ್ತೆ ಸಕ್ಲೇಶಪುರೊತ ಕಾಫಿ ಪ್ಲಾಂಟರ್ ಆದುಪ್ಪುನ ಜೇಸನ್ ಸಲ್ಡಾನ್ಹಾ ಮೆರೆನ ಒಪ್ಪ ಕೋ-ಡ್ರೈವರ್ ಮಡಿಕೇರಿದ ಅಮ್ಮತ್ತಿದ ತಿಮ್ಮಣ್ಣ ಉದ್ದಪಂಡಲಾ ಇತ್ತೆರ್.
ಉ್ಂದು ಥಾಯ್ಲೆಂಡ್ ಚಾಂಪಿಯನ್‌ಶಿಪ್‌ಧ 3ನೇ ಸುತ್ತು ಆದಿತ್ತ್ಂಡ್. 65 ಜೋಡಿಲು ಪಾಲ್‌ಗೆತೊಂದಿತ್ತಿನ ಈ ಪಂತೊಡು ಕುಡ್ಲ-ಕೊಡಗ್‌ದ ಈ ಜೋಡಿ 2WD ಡ್ ರಡ್ಡನೇ ತಾನೋ ಬೊಕ್ಕ RC 2.1 ವರ್ಗೊಡುಲಾ ರಡ್ಡನೇ ತಾನೋ ಗೆಂದ್‌ದ್ ಓವರ್‌ಆಲ್ 4 ನೇ ತಾನೋ ಗೆಂದ್‌ದೆರ್.
ಈ ಜೋಡಿ ಕರಿನ ಮಾರ್ಚ್‌ಡ್ ನಡತಿನ RAAT ಥಾಯ್ಲೆಂಡ್ ರ್ಯಾಲಿ ಚಾಂಪಿಯನ್‌ಶಿಪ್‌ನ್ಲಾ ಗೆಂದ್‌ದಿತ್ತೆರ್.
ದುಂಬುದ ಸುತ್ತು (ಸುತ್ತು 4) ಥಾಯ್ಲೆಂಡ್‌‌ಡ್ ಸೆಪ್ಟೆಂಬರ್ 16-17 ಕ್ ಕಾಂಚನಬುರಿ ಪ್ರಾಂತ್ಯೊಡು ನಡಪರೆಗುಂಡು.