Last updated on August 22nd, 2023 at 08:22 am
ಭಾರತೀಯ ದಂಡ ಸಂಹಿತೆ 1860 ಅಂಚೆನೇ ಭಾರತೀಯ ಮೋಟಾರ್ ವಾಹನ ಕಾಯಿದೆ-1988 /2019ತ ಅಡಿಟ್ ಕುಡ್ಲ ಪೊಲೀಸ್‌ ಕಮಿಷನರೇಟ್ ಸೀಮೆಡ್ ಆಗಸ್ಟ್ 6ರ್ದ್ 20 ಮುಟ್ಟ ಸಂಚಾರ ನಿಯಮ ಪೊಲ್ತಿನ 298 ಗಾಡಿಲೆನ ಡ್ರೈವರ್‌ನಕ್ಲೆನ ಡ್ರೈವಿಂಗ್ ಲೈಸೆನ್ಸ್‌ನ್ ಕ್ಯಾನ್ಸಲ್ ಮನ್ಪುನ ಬಗ್ಗೆ RTOಗ್ ಶಿಫಾರಸ್ ಕಡಪುಡ್ದ್ ಕೊರ್ತುಂಡು.
15 ದಿನೊಟು ಕುಡ್ಲ ಪೊಲೀಸ್‌ ಕಮಿಷನರೇಟ್‌ದ ಕಡೆರ್ದ್ ನಡತಿನ ವಿಶೇಷ ಕಾರ್ಯಾಚರಣೆಡ್ ಪಾರ್ಕಿಂಗ್‌ ನೇಮೊಲೆನ್ ಪೊಲ್ತಿನೆಕ್ 593, ಲೆಕ್ಕೊರ್ದು ಜೋರುದ ಹಾರ್ನ್‌ ಗಲಸಿನೆಕ್ 106, ಟಿಂಟ್‌ ಗ್ಲಾಸ್‌ ಗಲಸಿನೆಕ್ 70, ಆಟೋರಿಕ್ಷಾಡ್ ಲೆಕ್ಕೊರ್ದು ಎಚ್ಚ ಕಾಸ್ ದೆತೊಂಡಿನೆಕ್ 13, ವನ್‌ವೇಡ್ ಉಲ್ಟಾ ಬತ್ತಿನೆಕ್ 28 ಪ್ರಕರಣೊಲು ದಾಕಲಾತ.