Last updated on August 28th, 2023 at 12:28 pm
ಕುಡ್ಲದ ಕೊಟ್ಟಾರದಲ್ಪ ಉಂತಾದಿತ್ತಿನ ದೇರೆಬೈಲ್ ಅಶೋಕ ನಗರ ವಿನ್ಸೆಂಟ್ ಪಿರೇರಾ ಪನ್ಪಿನಾರೆನ ಒಮ್ನಿ ಕಾರ್ ( ಕೆಎ19 ಎಂ 1349) 1996ತ ಡಿಸೆಂಬರ್‌ಡ್ ಕಂಡ್‌ದ್ ಪೋದಿತ್ತ್‌ದ್, ಈ ಪ್ರಕರಣೊಗು ಸಂಬಂಧ ಇತ್ತಿನ ಕಲ್ವನೊರ್ಯನ್ ಉರ್ವ ಪೊಲೀಸೆರ್ ಕೈದ್ ಮಲ್ದೆರ್.
ಕೈದಾತಿನಾಯೆ ಮನೋಜ್ ಪಿ. (52 ), ಪುತ್ತನ್ ಕುಳಂಗುರ ಹೌಸ್, ಚೇವಾಯೂರು ಪಾರೋಪಡಿ ಕ್ಯಾಲಿಕಟ್ ಕೇರಳ ಪಂದ್ ತೆರಿದ್‌ಬೈದ್ಂಡ್.
ಕಲ್ವೆದ ಪ್ರಕರಣೊಗು ಸಂಬಂಧಿತಿನ ಲೆಕ ಉರ್ವಾ ಪೊಲೀಸ್ ಸ್ಟೇಶನ್ ಅ.ಕ್ರ ನಂಬ್ರ 212/1996 ಕಲಂ 379 ಐಪಿಸಿ ಡ್ ಪ್ರಕರಣ ದಾಕಲಾದಿತ್ತ್ಂಡ್.
ಈ ಪ್ರಕರಣೊಡು 27 ವರ್ಸೊರ್ದಿಂಚಿ ದೆಂಗ್ ತಪ್ಪಾವೊಂದಿತ್ತಿನ ಆರೋಪಿನ್ ಕೈದ್ ಮಲ್ತ್‌ದ್ ನ್ಯಾಯಂತಡೆಕ್ ಹಾಜಿರ್ ಮನ್ಪಾದ್, ಆರೋಪಿಗ್ ನ್ಯಾಯಂತಡೆ ನ್ಯಾಯಾಂಗ ಬಂಧನೊಗು ಒಪ್ಯಾದ್ಂಡ್.
ಕುಡ್ಲ ಕೇಂದ್ರ ಉಪ ವಿಭಾಗೊದ ಎಸಿಪಿ ಮಹೇಶ್ ಕುಮಾರ್ ಮೆರೆನ ಮುತಾಲಿಕೆಡ್ ಉರ್ವಾ ಪೊಲೀಸ್ ಸ್ಟೇಶನ್‌ದ ಪೊಲೀಸ್ ನಿರೀಕ್ಷಕೆರಾಯಿನ ಶ್ರೀಮತಿ ಭಾರತಿ ಮೆರೆನ ಕೂಟ, ಹರೀಶ್‌ ಹೆಚ್‌.ವಿ ಪಿ.ಎಸ್‌.ಐ, ವಿನಯ್‌ ಕುಮಾರ್ ಎಎಸ್‌ಐ, ಉಲ್ಲಾಸ್, ಮೊಹಾಲೆ-ಎಎಸ್‌ಐ, ಸಿಬ್ಬಂದಿಲಾಯಿನ ಪ್ರಜ್ವಲ್, ಸಫ್ರೀನಾ ಪತ್ತೆ ಮನ್ಪಿ ಬೇಲೆಡ್ ಪಾಲ್‌ಗೆತೊಂದಿತ್ತೆರ್.