Last updated on August 5th, 2023 at 06:11 pm
ದಶಕೊಲೆರ್ದ್ ಕುಡ್ಲದ ರೈಲ್ವೇಡ್ ಒವ್ವೇ ಬುಲೆಚ್ಚಿಲ್ ಆವೊಂದಿಜ್ಜಿ. ಆಯಿನಾತ್ ಬೇಗ ಉಂದೆಕ್ ಬೋಡಾಪಿನ ಬೇಲೆಲೆನ್ ಮಲ್ಪೊಡು ಪನ್ದ್ ಕುಡ್ಲದ ಸಂಸದೆ ನಳೀನ್ ಕುಮಾರ್ ಕಟೀಲ್ ಮೇರ್ ಕೇಂದ್ರ ರೈಲ್ವೇ ಮಂತ್ರಿ ಅಶ್ವಿನಿ ವೈಷ್ಣವ್ ಮೆರೆಡ ಆಗ್ರಹ ಮಲ್ತೆರ್.
ಕುಡ್ಲ – ಬೆಂಗಳೂರು ಲೈನ್ ಮಸ್ತ್ ಪ್ರಾಮುಖ್ಯವಾಯಿನ ಆಂಡ ಅಲ್ಪ ಇತ್ತೆ ಪೋಪಿನ ರೈಲುಲೆಡ್ ಬೋಡಾಪಿನಾತ್ ಜನನ್ ಕೊನೊವರೆ ಕನವರೆ ಆಪುಜಿ. ತಾಪುರ್ತೋಪುಡ್ ಸಿಂಗಲ್ ಲೈನ್‌ನ್ ಡಬಲ್ ಮಲ್ಪೊಡು ಅಂಚೆನೆ ಆಯಿನಾತ್ ಬೇಗ ಎಲೆಕ್ಟ್ರಿಫಿಕೇಶನ್‌ದ ಬೇಲೆ ಮುಗಿಪೊಡು ಪನ್ಡೆರ್.
ಕುಡ್ಲರ್ದ್ ಬೆಂಗಳೂರುಗು, ಕುಡ್ಲರ್ದ್ ಮುಂಬೈಗ್ ವಂದೇ ಭಾರತ್ ಟ್ರೈನ್ ಪಾಡೊಡು. ಕುಡ್ಲರ್ದ್ ಉತ್ತರ ಕರ್ನಾಟಕದ ಕಲಬುರ್ಗಿಗ್ ಟ್ರೈನ್ ಪಾಡೊಡು. ಕುಡ್ಲರ್ದ್ ಕಬಕ ಪುತ್ತೂರುದ ಪ್ಯಾಸೆಂಜರ್ ಟ್ರೈನ್ ನ್ ಸುಬ್ರಹ್ಮಣ್ಯ ರೋಡ್ ಸ್ಟೇಷನ್ ಮುಟ್ಟ ಕೊನೊಡು ಪನ್ದ್ ಬೇಡಿಕೆ ದೀಯೆರ್.
ತುಳುನಾಡ್ ಬೊಕ್ಕ ಗೋವಾದ ಕೊಂಕಣ್ ರೈಲ್ವೇನ್ ಗೋಡ್ಯಾದ್, ತೆನ್ಕಾಯಿ ರೈಲ್ವೇದ ಕುಡ್ಲ ರೈಲ್ವೇ ರೀಜನ್‌ನ್ ಒಟ್ಟು ಮಲ್ತ್ ಒಂಜಿ ಕುಡ್ಲ ರೈಲ್ವೇ ಡಿವಿಜನ್ ಮಲ್ಪೊಡು ಬೊಕ್ಕ SWR ದೊಟ್ಟುಗು ಉಂದೆನ್ ಪಾಡೊಡು ಪನ್ದ್ ಪನ್ಡೆರ್. ಇತ್ತೆ ತುಳುನಾಡ್‌ದ ರೈಲ್ವೇನ್ ಮೂಜಿ ಮೂಜಿ ಝೋನುಲು ತೂವೊನೊಂದುಲ್ಲ, ಉಂದೆರ್ದಾವರ ಮಸ್ತ್ ಮಿತ್ತ್ ತಿರ್ತ್ ಆವೊಂದುಂಡು ಪನ್ದ್ ಪನ್ಡೆರ್.