ಮಹಾರಾಷ್ಟ್ರೊಡು ಅಡಿಲಕ್ಕೊಂದಿಪ್ಪುನ ಪೊಸ ಕೋವಿಡ್ ಒರುಪಗತೆ!

Last updated on August 9th, 2023 at 05:07 pm

ಈತ್ ದಿನ ಒಂತೆ ಮದೆಟಿತ್ತಿನ ಕೋವಿಡ್ – 19 ಇತ್ತೆ ಮಹಾರಾಷ್ಟ್ರೊಡು ಅದೋಟೇ ಅಡಿಲಕ್ಕೊಂದಿಪ್ಪುನ ಸುದ್ದಿ ಆತ್ಂಡ್. ಕೋವಿಡ್-19ದ ಒಮಿಕ್ರಾನ್ ದ ಪೊಸ ಒರುಪಗತೆ EG.5.1 ಭಾರತದ ಸುರುತ ಕೇಸ್ ಮಹಾರಾಷ್ಟ್ರಡ್ ತೋಜಿದ್ ಬತ್ತ್ಂಡ್.

ಕೋವಿಡ್ದ ಈ ಒರು ಪಗತೆನ್ ಎರಿಸ್ ಪನ್ತ್ ಲೆಪ್ಪುವೆರ್. WHO ದಕುಲು ಉ್ಂದೆನ್ ಕೈತಲ್ ಡ್ ತೂವೊಂದುಲ್ಲೆರ್. ಕೋವಿಡ್‌ದ ದುಂಬು ಬರೊಂದಿತ್ತಿನ ಸೀಕ್ ಲಚ್ಚನೊಲು ಇತ್ತೆ ಇಜ್ಜ, ಆಂಡ ವ್ಯಾಕ್ಸೀನ್‌ದ ಸತುಲಾ ಬಚ್ಚೊಂದು ಬತ್ತಿನೆರ್ದಾವರ ಭಾರತದಂಚಿನ ದೇಶ ಒಂತೆ ಎಚ್ಚರ್ಗೆಡ್ ಉಪ್ಪೊಡಾಪುಂಡು.

ಒಂಜಿ ವಾರ ಆಂಡಲಾ ಉ್ಂದೆನ್ ತೂದು ಕೇಸುಲು ದಿಂಜ ಆತ್ಂಡಾ ಇಜ್ಜಾ ಪನ್ದ್ ತೆರಿಯೊನೊಡಾಪುಂಡು. ಒರಾನೆ ಒಂಜೇ ದಿನೊತ ಒಲವು ಪತೊಂದು ಪನಿಯರೆ ಆವಂದ್. ಕರಿನ ಮೂಜಿ ನಾಲ್ ದಿನೊಟು ಒಂತೆ ಕೋವಿಡ್ ಕೇಸುಲು ಎರ್ತೆ ತೋಜಿದ ಪನ್ದ್ ಮಹಾರಾಷ್ಟ್ರ ರಾಜ್ಯದ ಪೆರಿಯ ಅಧಿಕಾರಿ ಒರಿ ಪನ್ಡೆರ್.

ಜುಲೈ ಅಕೇರಿಗ್ 70 ಇತ್ತಿನ ಕೇಸುಲು ಆಗಸ್ಟ್ 6ಕ್ಕ್ 115 ಆತ. ಸೋಮಾರ ಮಹಾರಾಷ್ಟ್ರೊಡು 109 ಪೊಸ ಕೇಸುಲು ದಾಖಲಾತ. ಯುಕೆ ಬೊಕ್ಕ ಯುಎಸ್ಎ ದೇಶೊಲೆಡ್ಲಾ ಈ ಒರುಪಗತೆರ್ದ್ ಕೋವಿಡ್ ಕೇಸುಲು ರಿಪೋರ್ಟು ಆವೊಂದುಲ್ಲ.