Last updated on August 5th, 2023 at 09:02 am
ಎಟಿಎಂಗ್ ಜೆಸಿಬಿ ಪೊಗ್ಗಾದ್ ಕಾಸ್ ಲಕ್ಕಾಯೆರೆ ತೂಯಿನ ಕಲ್ವೆರ್, ಎನ್ನಿನ ಆವಂದೆ ಪಿರ ಪೋತಿನ ನಡಕೆ ತೊರ್ತಲ್ ಪೊಲೀಸ್ ಸ್ಟೇಶನ್ ಸೀಮೆಡ್ ನಡತ್‌ದ್ಂಡ್.
ಮುಲ್ಪದ ವಿದ್ಯಾದಾಯಿನಿ ಶಾಲೆದ ಎದುರುದ ಜಯಶ್ರೀ ವಾಣಿಜ್ಯ ಸಂಕೀರ್ಣೊಡುಪ್ಪುನ ಸೌತ್ ಇಂಡಿಯನ್ ಬ್ಯಾಂಕ್ ಬ್ರಾಂಚ್‌ದ ಎಟಿಎಂ ಮೆಶಿನ್‌ಗ್ ಮುರಾನಿ ರಾತ್ರೆ ಕಲ್ವೆರ್ ಪೊಗ್ಗುದೆರ್.
ಈ ಪೊರ್ತುಡು ಎಟಿಎಂದ ಕನ್ನಟಿ ಪೊಡಿ ಆಯಿನೇ ಎಮರ್ಜೆನ್ಸಿ ಸೈರನ್ ಅರೆದೆರೆ ಪತ್ತ್‌ದ್ಂಡ್, ಪೋಡಿದ್ ಕಲ್ವೆರ್ ಜೆಸಿಬಿದೊಟ್ಟುಗು ಪದ್ರಾಡಾತೆರ್ ಪಂದ್ ತೆರಿದ್‌ಬೈದ್ಂಡ್. ಇತ್ತೆಗ್ ಕಲ್ವೆರೆ ನಡಕೆಲು ಎಟಿಎಂದ ಸಿಸಿಟಿವಿಡ್ ದಾಕಲಾದಿತ್ತ್‌ದ್, ಪೊಲೀಸೆರ್ ಈ ದೃಶ್ಯೊಲೆನ್ ಗೆತೊಂದೆರ್.
ಜಾಗೆಗ್ ಡಿಸಿಪಿ ದಿನೇಶ್ ಕುಮಾರ್‌ರೆನ ಒಟ್ಟುಗು ಶ್ವಾನದಳ, ಬಿರೆಲಚ್ಚಿ ತಜ್ಞೆರ್ ಬತ್ತ್‌ದ್ ಪರಿಶೀಲನೆ ಮಲ್ತೊಂದುಲ್ಲೆರ್. ತೊರ್ತಲ್ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.