ಗ್ರಾಮ ಪಂಚಾಯತಿ ಗುರ್ಕಾರ್ಲಾದ್ ಅವಿರೋಧ ಆಯ್ಕೆ ಆಯಿನ ತೃತೀಯ ಲಿಂಗಿ

Last updated on August 8th, 2023 at 06:56 pm

ಬಳ್ಳಾರಿ ಜಿಲ್ಲೆದ ಸಂಡೂರು ತಾಲೂಕುದ ಚೋರನೂರು ಗ್ರಾಮ ಪಂಚಾಯತಿಡ್ ಉಂದೇ ಸುರುತ ಸಲ ತೃತೀಯ ಲಿಂಗಿ ಸಿ.ಆಂಜಿನಮ್ಮ ಗ್ರಾಮ ಪಂಚಾಯತ್ ಗುರ್ಕಾರ್ರಾದ್ ಅವಿರೋಧವಾದ್ ಅಜತ್ ಬತ್ತೆರ್.

ಪರಿಶಿಷ್ಟ ವರ್ಗೊಗು ಮೀಸಲಾತಿ ಉಪ್ಪುನ ಈ ಸ್ಥಾನೊಗು ಗ್ರಾಮ ಪಂಚಾಯತಿದ 19 ಪದುಕೆರ್ ಸರ್ವಾನುಮತೊಡು ಆಂಜಿನಮ್ಮನ್ ಆಯ್ಕೆ ಮಲ್ದೆರ್. ಊರುದ ಪೆರಿಯಾಕ್ಲು ಬೊಕ್ಕ ಗ್ರಾಮದಕುಲು ಆಂಜಿನಮ್ಮಗ್ ಒಂಜಿ ಅವಕಾಶ ಕೊರೊಡು ಪನ್ದ್ ಪಂಚಾಯತಿದ ಪದುಕೆರೆಡ ಪನ್ದಿತ್ತೆರ್. ಓಟುಗು ಉಂತರೆ ಮನಸ್ ಇತ್ತಿಜಿಡಲ ಗ್ರಾಮದ ಪೆರಿಯಾಕ್ಲೆನ ಪಾತೆರೊಗು ಬಿಲೆ ಕೊರ್ದು ಆಂಜಿನಮ್ಮ ಉಂತುದಿತ್ತೆರ್. ಅಕುಲು ದೀತಿನ ಇಸ್ವಾಸೊಗು ಕುಂದೆಲ್ ಬರಂದಿಲೆಕ್ಕ ಬೆನ್ಪೆ ಪನ್ದ್ ಆಂಜಿನಮ್ಮ ಪನ್ಡೆರ್.