Last updated on September 9th, 2023 at 04:48 pm
ದೆಹಲಿ ವಿವಿ ನಿವೃತ್ತ ಪ್ರೊಫೆಸರ್ ಡಾ.ಶಂಸುಲ್ ಇಸ್ಲಾಂ(DR.shamsul Islams)ಉಪನ್ಯಾಸೊಗು ವಿರೋಧ ತೋಜಿದ್‌ಬರೊಂದುಂಡು. ಉಪನ್ಯಾಸೊನು ವಿರೋಧಿತ್‌ದ್ ಮಂಗಳೂರು ವಿವಿ ಕಾಲೇಜಿಗ್ ABVP ಮುತ್ತಿಗೆ ಪಾಡೆರೆ ಪುಣೆದ್ಂಡ್. ಗೇಟ್‌ದಲ್ಪ ABVP ಕಾರ್ಯಕರ್ತೆರೆನ್ ಪೊಲೀಸೆರ್ ಉಂತಾದೆರ್. ABVP ಕಾರ್ಯಕರ್ತೆರ್, ಪೊಲೀಸೆರೆ ನಡುಟು ನೂಕಾಟ ನಡತ್‌ದ್ಂಡ್. ಒಂತೆ ಜನ ABVP ಕಾರ್ಯಕರ್ತೆರೆನ್ ಪೊಲೀಸೆರ್ ಕೈದ್ ಮಲ್ದೆರ್. ಶಂಸುಲ್ ಗೋ ಬ್ಯಾಕ್ ಪಂದ್ ಘೋಷಣೆ ಲೆತ್ತೊಂದು ಪೊರ್ಮ್ಬಾಟ ಮಲ್ತೆರ್.
ಬೇತೆ ಸಾದಿಡೆ ಡಾ.ಶಂಸುಲ್ ಕಾಲೇಜ್‌ದ ಉಲಯಿ ಬೈದೆರ್. ಕಾಲೇಜಿದ ಉಲಯಿ ನಡಪುನ ಲೇಸ್‌ನ್ ವಿರೋಧಿತ್‌ದ್ ವಿದ್ಯಾರ್ಥಿಲು ಪೊರ್ಮ್ಬಾಟ ಮಲ್ದೆರ್. ಕಡೀದಾದ ತನ್ನಾಲ್ಮೆದ ಲಡಯಿ 1857 – ಬಲಿದಾನೊಲು, ವಾರಸ್ದಾರಿಕೆಲೆನ ಬಗೆಟ್ ಉಪನ್ಯಾಸ ಕೊರ್ರೆಗಿತ್ತೆರ್. ವಿರೋಧೊದ ನಡುಟುಲಾ ಬಿ.ವಿ ಕಕ್ಕಿಲ್ಲಾಯ ಪ್ರತಿಷ್ಠಾನೊರ್ದು ಲೇಸ್ ಅಟ್ಟನೆ ಆತ್ಂಡ್.