Last updated on September 17th, 2023 at 04:10 pm
ಸುಳ್ಯದ ಜೂನಿಯರ್‌ ಕಾಲೇಜ್‌ ಸಾದಿಡುಪ್ಪುನ ಐಸ್‌ಕ್ರೀಮ್ ಬೊಕ್ಕ ಜ್ಯೂಸ್‌ ಸೆಂಟರ್‌ಗ್ ಬತ್ತಿನ ಗ್ರಾಹಕೆ ಒರಿ ಐಸ್‌ಕ್ರೀಮ್‌ಡ್ ಕೂಲಿ ಇತ್ತ್ಂಡ್ ಪಂದ್ ವಾದೊಗು ಜತ್ತಿನೆರ್ದಾವರ ದನಿ, ಗ್ರಾಹಕೆ ಬೊಕ್ಕ ಅಲ್ಪದಕುಲನ ನಡುಟು ಪಾತೆರೊಗು ಪಾತೆರ ಬುಲೆದ್ ಪೆಟ್ಟ್‌ಗ್ ಜತ್ತ್‌ದೆರ್. ಈ ಪೊರ್ತುಡು ಜಾಗೆಗ್ ಪೋಲೀಸೆರ್ ಬತ್ತ್‌ದ್ ಇರ್ವೆರೆನ್ ಸ್ಟೇಶನ್‌ಗ್ ಲೆತೊಂದು ಪೋತೆರ್.
ಸುಳ್ಯ ಕೇರ್ಪಳಡಾ ಇಪ್ಪುನಾರ್ ಒರಿ ಐಸ್‌ಕ್ರೀಮ್‌ಡ್ ಕೂಲಿ ಇತ್ತ್ಂಡ್ ಪಂದ್ ವಾದ ಮಲ್ದಿತ್ತೆರ್. ಈ ಪೊರ್ತುಡು ಅಂಗಡಿದ ದನಿ ಆರೆಡ ಅವೆತ ಬಗೆಟ್ ಕೇನ್ನಗ ಆರ್ ದನಿನ್ ನೂಕೆರೆ ತೂನಗ ಮುಟ್ಟದಾರ್ ಒರಿ ಅಡ್ಡ ಬೈದೆರ್. ಈ ಪೊರ್ತುಡು ಪಾತೆರೊಗು ಪಾತೆರ, ಕೈಕ್ ಕೈ ಆದ್ ಲಡಯಿ ಆತ್ಂಡ್.