Last updated on September 25th, 2023 at 06:42 pm
ಉಳ್ಳಾಲ: ಒರಿ ರೈಲ್‌ದಡಿಕ್ ತರೆ ಕೊರ್ದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಉಳ್ಳಾಲ ಸ್ಟೇಶನ್ ಸೀಮೆದ ಉಚ್ಚಿಲ ರೈಲ್ವೇ ಗೇಟ್‌ದಲ್ಪ ನಡತ್‌ದ್ಂಡ್.
ತೀರ್ದಿನಾರೆನ್ ಕುಡ್ಲ ಪೇಂಟೆದ ಕೊಂಚಾಡಿದ ನಿವಾಸಿ ಪ್ರಶಾಂತ್ (44) ಪಂದ್ ಗುರ್ತಪತ್ತ್‌ದೆರ್. ಸೆಪ್ಟೆಂಬರ್ 24ತಾನಿ ಬಯ್ಯಡ್ ಇಲ್ಲರ್ದ್ ಪಿದಡಿನ ಪ್ರಶಾಂತೆರ್ ಕಾಂಡೆ ರೈಲ್ವೆ ಗೇಟ್‌ದಲ್ಪ ಪುನ ಆದ್ ತಿಕ್ಕ್‌ದೆರ್. ಆಕ್ಟಿವಾ ಸ್ಕೂಟರ್‌ನ್ ಉಳ್ಳಾಲದ ರೈಲ್ವೇ ಉಂತಡೆಡ್ ಉಂತದ್, ಉಚ್ಚಿಲ ರೈಲ್ವೆ ಗೇಟ್ ಮುಟ್ಟ ನಡತೊಂದು ಪೋದು ರೈಲ್ವೇ ಪಟ್ಟೆಡ್ ತರೆ ದೀದ್ ಆತ್ಮಹತ್ಯೆ ಮಲ್ತೊಂದೆರ್.
ಮದಿಮೆ ಆವಂದೆ ಇತ್ತಿನ ಪ್ರಶಾಂತ್‌ಗ್ ಬೇತೆ ಒವ್ಲಾ ಸಮಸ್ಯೆಲು ಇತ್ತಿಜ. ಆರ್ ಪರ್ದ್ ಆತ್ಮಹತ್ಯೆ ಮಲ್ತೊಂದೆರ್ ಪನ್ಪಿನ ಒಲವು ವೈದ್ಯಕೀಯ ವರದಿಡ್ ತಿಕ್ಕ್‌ದ್ಂಡ್. ಕುಡ್ಲ ರೈಲ್ವೇ ಪೊಲೀಸ್ ಸ್ಟೇಶನ್ ಎಎಸ್ ಐ ಮಧುಚಂದ್ರೆರೆನ ಮುತಾಲಿಕೆಡ್ ಪೊಲೀಸ್ ಕೂಟ ಜಾಗೆಗ್ ಬತ್ತ್‌ದ್ ಪ್ರಕರಣ ದಾಕಲ್ತೊಂದೆರ್.