Last updated on September 6th, 2023 at 07:35 am
ಕರಿನ ಬಿಜೆಪಿ ಸರಕಾರ ಪ್ರಾಯ ಆತಿನ ನೇಮ ಕಟ್ಟುನಕಲೆಗ್ ಮಾಸಾಶನ ಕೊರ್ಪುಂಡು ಪನ್ದ್ ಘೋಷಣೆ ಮಲ್ದಿತ್ತ್ಂಡ್. ಆಂಡ ಈ ಘೋಷಣೆ ಕಾಲಿ ಪೇಪರ್‌ಡ್ ಮಾತ್ರ ಆತ್ಂಡ್ ನನಲ ಅಕಲೆಗ್ ಕಾಸ್ ಎತ್ತ್‌ದಿಜಿ ಪನ್ದ್ ತೆರಿದ್ ಬೈದ್ಂಡ್.
60 ವರ್ಸ ಮಿತ್ತ್‌ದ ದೈವ ನರ್ತಕೆರೆಕ್ ಪೆನ್ಷನ್ ಕೊರ್ಪ ಪನ್ದ್ ಕರಿನ ಬಿಜೆಪಿ ಸರಕಾರ ಘೋಷಣೆ ಮಲ್ದಿತ್ತ್ಂಡ್. ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಈ ದಿಸೆಟ್ ಅರ್ಜಿಲಾ ದೆತೊಂದಿತ್ತೆರ್. ಪೂರಾ ಸಮ ಇತ್ತ್ಂಡ ಕರಿನ ಒಂಜಿ ವರ್ಸೊರ್ದಿಂಚಿ ಅಕಲೆಗ್ ಪೆನ್ಷನ್ ಬರೊಡಿತ್ತ್ಂಡ್. ಆಂಡ ಅವ್ ನನಲ ಬೈಜಿ, ಆತೇ ಅತ್ತಂದೆ ಕೆಲವೆರೆಗ್ 60 ವರ್ಸ ಕರಿಬೊಕ್ಕ ಬರ್ಪಿನ ಪೆನ್ಷನ್‌ಲಾ ಉಂತಾದೆರ್, ರಡ್ಡ್ ರಡ್ಡ್ ಪೆನ್ಷನ್ ಆಪುಜಿ ಪನ್ದ್ ಇತ್ತೆ ಅವ್‌ಲಾ ಇಜ್ಜಿ ಉಂದುಲಾ ಇಜ್ಜಿ ಪನ್ಪಿಲೆಕ್ಕ ಆತ್ಂಡ್.