Last updated on September 6th, 2023 at 11:28 am
ತುಳುನಾಡ್‌ದ 42 ಶಾಲೆಲೆಡ್ ತುಳುನು ಮೂಜನೇ ಭಾಷೆಯಾದ್ ಕಲ್ಪಾವೊದುಪ್ಪುನ ಟೀಚರ್‌ನಕಲೆಗ್ ಕರಿನ ಮೂಜಿ ವರ್ಸೊರ್ದಿಂಚಿ ಗೌರವ ಧನ ತಿಕ್ಕೊಂದಿಜ್ಜಿ. ಸುಮಾರ್ 27 ಲಕ್ಷದಾತ್ ಬಾಕಿ ದೀದ್ ತುಳು ಕಲ್ಪುನ ಜೋಕುಲೆನ ಅಂಚೆನೆ ಕಲ್ಪಾವುನ ಟೀಚರ್‌ನಕಲೆನ ವಿಷಯೊಡು ಗೊಬ್ಬು ಗೊಬ್ಬೊಂದುಲ್ಲೆರ್.
ಕರಿನ ಮೂಜಿ ವರ್ಸೊಡು ತುಳು ಟೀಚರ್‌ನಕಲೆನ್ ನೇಮಕಾತಿ ಮಲ್ಪುನ ವಿಷಯ ಆವಡ್, ಬಿನ್ನೆರ್ ಟೀಚರ್‌ನಕಲೆನ್ ಕನಪಿನ ವಿಷಯೊಡು ಆವಡ್ ಸರಕಾರ ಇಂಚಿ ತೂವೊಂದಿಜ್ಜಿ. ಕಾಟಾಚಾರೊಗು ತುಳುನು ಕಲ್ಪಾವ ಪನ್ದ್ ಬಿಕ್ಕೆ ಪಾಡಿಲೆಕ್ಕ ಮಲ್ಪುನ ಸರಕಾರ ಒವ್ವೇ ರೀತಿದ ಬೆರಿಬಲ ಕೊರೊಂದಿಜ್ಜಿ.
ತುಳುಕು ಬಿನ್ನೆರ್ ಟೀಚರ್‌ನಕಲೆನ್ ನೇಮಕ ಮಲ್ಪರೆ ಸರಕಾರೊಗು ತಾಂತ್ರಿಕ ದೋಷ ಉಂಡು ಪನ್ದ್ ಕನ್ನಡ ಸಚಿವೆರ್ ಪನ್ತೆರ್. ತುಳುತ ಒವ್ವೇ ವಿಷಯ ಬನ್ನಗ ಮೊಕಲೊಗ್ ತಾಂತ್ರಿಕ ದೋಷ ಸುರು ಆಪುಂಡು ಪನ್ದ್ ಇತ್ತೆ ತುಳುಪರ ಪೊರುಂಬಾಟಗಾರೆರ್ ಪಿಸಿರಾತೆರ್. ಕೊರೊನಾ ಅಡ್ಡಿ ದೀವೊಂದು ತುಳು ಟೀಚರ್‌ನಕಲೆಗ್ ತುಳು ಅಕಾಡೆಮಿರ್ದ್ ತಿಂಗೊಲು ಮೂಜಿ ಸಾರದಲೆಕ್ಕ ತಿಕ್ಕೊಂದಿತ್ತಿನ ಗೌರವ ಧನ ಮೂಜಿ ವರ್ಸೊರ್ದಿಂಚಿ ಬರೊಂದಿಜ್ಜಿ. ಏತೋ ಶಾಲೆಲು ತುಳು ಕಲ್ಪಾವುನೆನ್ ಉಂತಾವುನ ಬಗೆಟ್ ಗೇನ ಕೊರೊಂದುಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್. ತುಳುಕು ಯಾಪಲಾ ಅನ್ಯಾಯನೇ ಆತಿನಿ ಆಂಡ ಈ ಅನ್ಯಾಯೊನು ಕೇನುನಕುಲು ಮನಿಪುಜೆರ್.