Last updated on September 21st, 2023 at 08:08 am
ಸುಳ್ಯ: ಉಬರಡ್ಕದ ನರಸಿಂಹ ಶಾಸ್ತಾವು ದೇಲಂತಡೆ, ಸಾರ್ವಜನಿಕ ಶ್ರೀ ದೇವತಾರಾಧನ ಸಮಿತಿ ಬೊಕ್ಕ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಕಡೆರ್ದ್ ಕರಿನ 13 ವರ್ಸೊರ್ದಿಂಚಿ ಗಣೇಶೋತ್ಸವನ್ ಸಾರ್ವಜನಿಕ ಉತ್ಸವದ ಮೂಲ ಉದ್ದೇಶೊನು ಒರಿತೊಂದು ನಡತೊಂದು ಬರೊಂದುಂಡು. ಗ್ರಾಮೀಣ ಭಾಗೊಡು ಪಡಪುನ ಈ ಗಣೇಶೋತ್ಸವ ಕ್ರಮೊಟು ಬಾರೀ ಪೊರ್ಲುಡು ನಡಪುಂಡು.
ರಡ್ಡ್ ದಿನ ನಡಪುನ ಉಚ್ಚಯೊದ ಸುರುಟು ಇಲ್ಲಿನ ಅರ್ಚಕೆರ್ ಗಣಪತಿ ಪ್ರತಿಷ್ಠೆ ಅಂಚೆನೇ ಪೂಜಾ ವಿಧಿವಿಧಾನ ಮಲ್ತಿಬೊಕ್ಕ ಬಾಮಕುಮಾರಗ್ ಒಂಜಾತ್ ಸೇವೆಲು ನಡಪುವ. ಇಂಚೀನ ಸೇವೆಲೆನ ನಡುಟು ಮಂಗಳಾರತಿ ಮುಲ್ಪದ ವಿಶೇಷ ಸೇವೆ. ಭಕ್ತೆರೇ ಆರತಿ ಮನ್ಪುವೆರ್, ಅರ್ಚಕೆರ್ ಮಂತ್ರ ಓದೊಂದು, ಪ್ರಸಾದ ಪಟ್ಟುವೆರ್. ಮುಲ್ಪ ಗಣಪತಿ ಪ್ರತಿಷ್ಠೆದ ಪೊರ್ತುರ್ದೇ ಭಕ್ತೆರೆರ್ದ್ ಆರತಿ ಮನ್ಪಾವುನ ಸಂಕಲ್ಪ ಮಲ್ತಿತ್ತೆರ ಈ ಮುಕೇನ ಸಾರ್ವಜನಿಕ ಕರಿಪುಗು ಮಹತ್ವ ಕೊರ್ತೆರ್.