Last updated on September 4th, 2023 at 08:45 am
ಮುಲ್ಕಿ : ಮರಿಯಲೊಡು ದಿಂಜಿದ್ ತಮೆಲೊಂದಿಪ್ಪುನ ಶಾಂಭವಿ ತುದೆತ ನೀರ್‌ದ ಮಟ್ಟ ಲೆಕ್ಕೊರ್ದು ಕಮ್ಮಿ ಆತ್ಂಡ್. ನನ ರಡ್ಡ್ ವಾರೊಡು ಬರ್ಸ ಬತ್ತಿಜಿಡ ಕುಡ ಬರ ಬರ್ಪಿನ ಸಾಧ್ಯತೆ ಉಂಡು.
ಶಾಂಭವಿ ತುದೆ ದೈಬಿತ್ತಿಲ್‌ಡ್ ಕಡಲ್‌ಗ್ ಸೇರುಂಡು ಅಲ್ಪ ಅವ್ ನಂದಿನಿ ತುದೆತೊಟ್ಟುಗು ಗೋಡ್ಯುಂಡು. ಮುಲ್ಕಿ ನಗರ ಪಂಚಾಯತಿ ವ್ಯಾಪ್ತಿಡ್ ಈ ತುದೆತ ನೀರ್‌ಡ್ ಉಪ್ಪುದ ಅಂಶ ದಿಂಜ ಉಪ್ಪುನೆರ್ದಾವರ ಉಂದೆನ್ ಪರಿಯರೆ ಇಜಿಂಡ ಬೆನ್ನಿದ ಬೇಲೆಗ್ ಗಲಸುಜೆರ್. ಸಂಕಲರಿಯ, ಪಲಿಮಾರ್, ಕರ್ನಿರೆ, ಮೂಲ್ಕಿಡ್ ಕೆಲವು ಕಡೆಟ್ ಕಟ್ಟ ಉಂಡು. ಕಿನ್ನಿಗೋಳಿ ಬಹುಗ್ರಾಮ ಪರ್ಪಿನ ನೀರ್‌ದ ಯೋಜನೆಗ್ ಶಾಂಭವಿ ನದಿ ಮೂಲವಾದುಂಡು. 14 ಗ್ರಾಮೊಲೆಗ್ ಈ ತುದೆರ್ದೇ ನೀರ್ ಪೋಪುಂಡು. ಇತ್ತೆ ನೀರ್ ಜತ್ತ್‌ದಿನ ತೂನಗ ಈಯೊಡು ಅರೆಗೊಲೊರ್ದು ದುಂಬೇ ಪರ್ಪಿನ ನೀರ್‌ಗ್ ಸಂಚಿಕಾರ ಬರ್ಪಿಲೆಕ್ಕ ಉಂಡು.