Last updated on September 21st, 2023 at 10:23 am
ಆನಂದ ಫಿಲಂಸ್ ಬೊಕ್ಕ ದಿ ಮಂಗಳೂರಿಯನ್ಸ್ ಲಾಂಚನೊಡು ರಾಮ್ ಶೆಟ್ಟಿ ಅರ್ಪಿಪುನ, ದಯಾನಂದ ಶೆಟ್ಟಿ ನಿರ್ಮಾಣ, ಸಂತೋಷ್ ಶೆಟ್ಟಿ ನಿರ್ದೇಶನಟ್ ಉಂಡಾಯಿನ “ಯಾನ್ ಸೂಪರ್ ಸ್ಟಾರ್” ತುಳು ಪಿಚ್ಚರ್ ಸೆಪ್ಟಂಬರ್ 22ಕ್ಕ್
ತುಳುನಾಡೊರ್ಮೆ ಬುಡುಗಡೆ ಆವರೆ ಉಂಡು” ಪನ್ದ್ ರಾಮ್ ಶೆಟ್ಟಿ ಪತ್ರಿಕಾಗೋಷ್ಠಿಡ್ ಒಲವು ಕೊರಿಯೆರ್.
ಸಿಐಡಿ ದಯಾ ಪುಗಾರ್ತೆದ ದಯಾಶೆಟ್ಟಿ ಪಾತೆರ್ದ್, ಹಿಂದಿ ಪಿಚ್ಚರ್ ಬೊಕ್ಕ ಸಿರೀಸ್‌ಲೆಡ್ ಯಾನ್ 25 ವರ್ಸೊರ್ದಿಂಚಿ ಊಬೇಲೆ ಮಲ್ತೊಂದುಲ್ಲೆ. ಒಡೆ ಪೋಂಡಲಾ ತುಳುವೆರ್ ತುಳು ಪಿಚ್ಚರ್ ಯಾಪ ಮಲ್ಪುವರ್ ಪನ್ದ್ ಕೇನೊಂದಿತ್ತೆರ್. ಇತ್ತೆ ಯಾನ್ ನಟನೆ ಮಲ್ದಿನ ಯಾನ್ ಸುಪರ್ ಸ್ಟಾರ್ ಪಿಚ್ಚರ್ ಬರೊಂದುಂಡು.ಮೇಕಿಂಗ್ ಎಡ್ಡೆ ಉಂಡು, ತುಳುವೆರ್ ಪಿಚ್ಚರ್ ತೂದು ಬೆರಿಬಲ ಕೊರೊಡು ಪನ್ದ್ ಪನ್ಡೆರ್.
ಯಾನ್ ಸೂಪರ್ ಸ್ಟಾರ್ ಪಿಚ್ಚರ್ ರೂಪವಾಣಿ, ಭಾರತ್ ಸಿನಿಮಾಸ್, ಪಿವಿಆರ್, ಸಿನಿಪೊಲಿಸ್, ಒಡಿಪುದ ಕಲ್ಪನಾ, ಮಣಿಪಾಲದ ಐನಾಕ್ಸ್, ಭಾರತ್ ಸಿನಿಮಾಸ್, ಪಡ್ಡೆದ್ರದ ಭಾರತ ಸಿನಿಮಾಸ್, ಕಾರ್ಲದ ರಾಧಿಕಾ, ಪ್ಲಾನೆಟ್, ಬೊಲ್ತೇರ್‌ಡ್ ಭಾರತ್, ಸುರತ್ಕಲ್‌ಡ್ ನಟರಾಜ್, ಸಿನಿಗ್ಯಾಲಕ್ಸಿ, ಪುತ್ತೂರುಡು ಭಾರತ್ ಸಿನಿಮಾಸ್, ಸುಳ್ಯಡ್ ಸಂತೋಷ್ ಥಿಯೇಟರ್‌ಡ್ ಪಿಚ್ಚರ್ ಬರೊಂದುಂಡು.