Last updated on October 29th, 2023 at 07:44 am
ಕೋಡೆ ವಿಶ್ವ ಬಂಟೆರೆ ಸಮ್ಮೇಳನೊನು ಉದಿಪನ ಮಲ್ತಿನ ಸಿ.ಎಂ ಸಿದ್ದರಾಮಯ್ಯೆರ್ ಬರ್ಪಿ ಬಜೆಟ್‌ಡ್ ಬಂಟ ಸಮುದಾಯದ ಅಭಿವೃದ್ದಿಗ್ ನಿಗಮ ಮಲ್ಪುವ ಪನ್ದ್ ಪನ್ಡೆರ್.
ವಿಶ್ವ ಮಾನವ ಸಂಸ್ಕೃತಿನ್ ಬಂಟೆರ್ ಆಚರಿಪೆರ್. ವಿಶ್ವದೊರ್ಮೆ ಪಸೆರ್ದ್ ಉದ್ಯಮೊಲೆನ್ ಸುರು ಮಲ್ದಿನ ಈ ಸಮುದಾಯದ ಪುಗಾರ್ತೆ. ಈ ಸಮುದಾಯೊಗು ವಿಶಿಷ್ಟ, ಸಂಸ್ಕೃತಿ ಬೊಕ್ಕ ಪರಂಪರೆ ಇತ್ತ್ ಕರ್ನಾಟಕೊಗು ಮಸ್ತ್ ಕೊಡುಗೆ ಕೊರ್ತೆರ್ ಪನ್ದ್ ಪನ್ಡೆರ್.
ತುಳುಬಾಸೆದ ಮಿತ್ತ್ ಬಂಟೆರೆನ ಮೋಕೆ ಅನುಕರಣೀಯ. ಮಾತೆರ್ಲಾ ತನ್ಕುಲೆನ ಅಪ್ಪೆಬಾಸೆಗ್ ಗೌರವ ಕೊರುಂಡ ನಮ್ಮ ಸಂಸ್ಕೃತಿ ಒರಿಯುಂಡು ಪನ್ದ್ ಪನ್ಡೆರ್. ಈ ಪೊರ್ತುಡು ಲಕ್ಷ್ಮೀ ಹೆಬ್ಬಾಳ್ಕರ್, ಯು.ಟಿ ಖಾದರ್, ಯಶಪಾಲ್ ಸುವರ್ಣ, ಅಶೋಕ್ ರೈ, ಮಂಜುನಾಥ ಬಂಡಾರಿ, ಜಯಪ್ರಕಾಶ್ ಹೆಗ್ಡೆ, ರಮಾನಾಥ ರೈ, ಶಕುಂತಲಾ ಶೆಟ್ಟಿ, ಮಿಥುನ್ ರೈ, ವಿದ್ಯಾಕುಮಾರಿ ಇಂಚಿನ ಗಣ್ಯೆರ್ ಇತ್ತೆರ್.