Last updated on October 27th, 2023 at 03:30 pm
ಕುಡ್ಲ ಪೊಲೀಸ್ ಕಮಿಷನರ್‌ನ ಪುದರ್‌ಡ್ ನಕಲಿ Whatsapp ನಂಬರ್‌ಡ್ ಮೆಸೇಜ್ ಮಲ್ತ್‌ದ್ ತುರ್ತ ಕಾಸ್ ಕೇನ್ದಿನ ಪ್ರಕರಣ ಬೊಲ್ಪುಗು ಬೈದ್ಂಡ್.
ಪೊಲೀಸ್ ಕಮಿಷನರ್ ಅನುಪಮ್ ಅಗ್ರವಾಲ್ ಮೆರೆನ ವಾಟ್ಸಾಪ್ ಪ್ರೊಫೈಲ್ ಪೊಟೋ ಗಲಸೊಂದು whatsapp ನಂಬರ್‌ಡ್ ಮೆಸೇಜ್ ಮಲ್ದಿನ ಪೋಕುರಿ, ತಾನ್ ಪೊಲೀಸ್ ಆಯುಕ್ತೆ ಪಂದ್ ಗುರ್ತ ಪನೊಂದು ತುರ್ತ ಕಾಸ್‌ದ ಕೇನ್ದೆ. ಇಂಚ ಪೊಲೀಸ್ ಅಧಿಕಾರಿಲು ಸೇರ್ದ್ ಆಯುಕ್ತೆರೆ ಗುರ್ತದಕ್ಲೆಗ್ ಸೊಲ್ಲಂಜ ಕಡಪುಡ್ದೆರ್ ಪಂದ್ ತೆರಿದ್ ಬೈದ್ಂಡ್.
“ಯಾನ್ ಪೊಲೀಸ್ ಕಮಿಷನರ್ ಅನುಪಮ್ ಅಗ್ರವಾಲ್. ಯಾನ್ ಆಸ್ಪತ್ರೆಡುಲ್ಲೆ, ಅರ್ಜೆಂಟ್ ಕಾಸ್ ಬೋಡು. ಎನ್ನ UPI ಸಮ ಇಜ್ಜಿ. ಅರ್ಜೆಂಟ್ ಕಾಸ್ ಟ್ರಾನ್ಸ್ ಫರ್ ಮನ್ಪುಲೆ. ಒಂಜಿ ಗಂಟೆದುಲಯಿ ಪಿರ ಕೊರ್ಪೆ” ಪಂದ್ ಸೊಲ್ಲಂಜೊಡು ತೋಜೊಂದುಂಡು. ಮೆಸೇಜ್ ಮಲ್ತಿ ಬೆರಿಕೇ Whatsapp ಡ್ ಮಿಸ್ ಕಾಲ್‌ಲಾ ಕೊರ್ತೆರ್.
ಈ ಬಗೆಟ್ ಕುಡ್ಲ ಪೊಲೀಸ್ ಕಮಿಷನರ್ ಸ್ಪಷ್ಟನೆ ಕೊರ್ದು, ಉ್ಂದೊಂಜಿ ಕಲು ಮೆಸೇಜ್. ಏರ್ಲಾ ಸದು ಕೊರೊರ್ಚಿ ಪಂದ್ ಪನ್ತೆರ್.