Last updated on October 3rd, 2023 at 03:35 pm
ಬೆಳ್ಳಾರೆ: ಕಾಡ್‌ಡ್ ತಿಕ್ಕಿನ ವಿಷತ ಐರೋಳ್ ಪರ್ನ್ದ್‌ನ್ ತಿನ್ಪುನ ಪರ್ನ್ದ್ ಪಂದ್ ಎನ್ನಿದ್ ಇಲ್ಲಗ್ ಕನತ್‌ದ್ ಶರ್ಬತ್ತ್ ಮಲ್ತ್ ಪರ್ತಿವ ಅಮ್ಮೆ ಬೊಕ್ಕ ಮಗಲೆಡ್ ಮಗಲ್ ತೀರ್ದಿನ ನಡಕೆ ಬೆಳ್ಳಾರೆ ಪೊಲೀಸ್ ಸ್ಟೇಶನ್ ಸೀಮೆದ ಅಮರಪಡ್ನೂರ್ ಗ್ರಾಮೊದ ಶೇಣಿ ಪನ್ಪಿನಲ್ಪರ್ದ್ ವರದಿಯಾತ್ಂಡ್.
ಅಮರಪಡ್ನೂರ್ ಗ್ರಾಮೊದ ಶೇಣಿ ಕುಳ್ಳಾಜೆ ನಿವಾಸಿ ಲೀಲಾವತಿ (35ವ.) ತೀರ್ದಿನಾರ್. ಅಮರಪಡ್ನೂರ್ ಗ್ರಾಮೊದ ಕುಳ್ಳಾಜೆ ಪನ್ಪಿನಲ್ಪ ಲೀಲಾವತಿ ಬೊಕ್ಕ ಅರೆನ ಅಮ್ಮೆರ್ ಒಂಜಿ ವಾರೊಗು ದುಂಬು ಐರೋಳ್ ಪರ್ನ್ದ್‌ದ ಶರ್ಬತ್ತ್ ಮಲ್ತ್ ಪರ್ದಿತ್ತೆರ್ಂದ್ ತೆರಿದ್‌ಬೈದ್ಂಡ್.
ಅವೆರ್ದಾವರ ಲೀಲಾವತಿಗ್ ಕಕ್ಕುನ, ಪಿದಯಿ ಪೋಪುನ ಸುರುವಾದ್ ಆರೆನ್ ಸುಳ್ಯ ಸರಕಾರಿ ಆಸ್ಪತ್ರೆಗ್ ಸೇರಾದಿತ್ತೆರ್. ಎಚ್ಚಿನ ಮರ್ದ್‌ಗ್ ಕುಡ್ಲಗ್ ಲೆತೊಂದುಪೋನಗ ಆರ್ ತೀರ್ದೆರ್.
ಮೇರ್ ಕಂಡನಿ ಜಗನ್ನಾಥ ನಾಯ್ಕ ದೊಡ್ಡೇರಿ, ಜೋಕುಲು ಯತೀಶ್, ಯಶ್ವಿನ್, ಅಮೂಲ್ಯ, ಅಮ್ಮೆ ಲೋಕಯ್ಯ ನಾಯ್ಕ ಕುಳ್ಳಾಜೆ, ಅಪ್ಪೆ ಸರೋಜನ್ ಅಗತ್‌ದೆರ್.