Last updated on October 6th, 2023 at 11:17 am
ಮುಂಬೈದ ಗೋರೆಗಾಂವ್ ವೆಸ್ಟ್ ಪ್ರದೇಶೊಡು ಇನಿ ಕಾಂಡೆ ಮಲ್ಲ ಮಾಲಿಗೆದ ಕಟ್ವಾನೊಡು ಸೂ ಪತ್ತ್‌ದ್ ರಡ್ಡ್ ಜೋಕುಲು ಸೇರ್ದ್ ಕಮ್ಮಿಡ್ ಏಲ್ ಜನ ತೀರ್ದೆರ್.
ಗೋರೆಗಾಂವ್ ವೆಸ್ಟ್‌ದ ಆಜಾದ್ ನಗರ ಪ್ರದೇಶೊಡುಪ್ಪುನ ಗ್ರೌಂಡ್-ಪ್ಲಸ್ ಸೆವೆನ್ ಸ್ಟ್ರಕ್ಚರ್ ಆದುಪ್ಪುನ ಜಯ್ ಭವಾನಿ 7 ಮಾಲಿಗೆದ ಕಟ್ವಾನೊಡು ಪುಲ್ಯ ಕಾಂಡೆ ಸುಮಾರ್ 3 ಗಂಟೆದ ಅಂದಾಜಿಗ್ ಸೂ ತೋಜಿದಾ ಬೈದ್ಂಡ್.
ಒಟ್ಟು ಪತ್ತ್ ಅಗ್ನಿಶಾಮಕ ಗಾಡಿಲು ಸೂನು ಅಂಕೆಗ್ ಕನಯೆರ ಅಪಗನೇ ಅಡೆಗ್ ಬತ್ತ್‌ದ. ಸುಮಾರ್ ನಾಲ್ ಗಂಟೆ ಕರಿದ್ 7 ಗಂಟೆದ ಅಂದಾಜಿಗ್ ಸೂ ತೆಕ್ಕ್‌ದ್ಂಡ್.
ವರದಿಲೆನ ಪ್ರಕಾರ, ಗಡಿಯಾತಿನ ಒಟ್ಟು 51 ಜನೊಕ್ಲೆಡ್ ಏಲ್ ಜನ ಸೈದೆರ್ಂದ್ ತೆರಿದ್‌ಬೈದ್ಂಡ್. ಐವೆರೆನ ಸ್ಥಿತಿ ಬಾರೀ ಸೀರಿಯಸ್ ಇತ್ತ್‌ದ್, 35 ಜನಕ್ ಮರ್ದ್ ನಡತೊಂದುಂಡು.
ಸುರುಕು ಪಾರ್ಕಿಂಗ್‌ ಜಾಗೆಡ್ ತೋಜಿದ್ ಬತ್ತಿನ ಸೂ, ಒಂಜನೇ ಬೊಕ್ಕ ರಡ್ಡನೇ ಮಾಲಿಗೆಗ್ ಪರಡ್‌ದ್ಂಡ್. ನಡಕೆಡ್ ಪಾರ್ಕಿಂಗ್‌ ಜಾಗೆಡ್ ಉಂತಾದಿತ್ತಿನ 4 ಕಾರ್ ಬೊಕ್ಕ 30 ಬೈಕ್‌ಲು ಪೊತ್ತುದು
ಪೋತ.