Last updated on October 30th, 2023 at 08:02 am
ಕೇರಳೊಡು ಸರಣಿ ಬಾಂಬ್ ಪುಡಯಿನ ಬೆರಿಕ್ ಬರಿತ ಗಡಿಜಿಲ್ಲೆ ಕುಡ್ಲಡ್ ಪೋಲೀಸೆರ್ ಬಿಗ್ತ್ ಬಂದೋಬಸ್ತ್ ಮಲ್ದೆರ್. ಗಡುಲೆಡ್ ಪೋಲೀಸೆರ್ ಜಡ್ತೆ ಜೋರು ಮಲ್ದೆರ್. ಚೆಕ್‌ಪೋಸ್ಟ್‌ಗ್ ಪೆರಿಯ ಅಧಿಕಾರಿಲು ಬತ್ತ್ ನಿಗಾ ತೂಯೆರ್. ವಿಮಾನ ಉಂತಡೆ, ಬಂದರ್, ಧಾರ್ಮಿಕ ಕ್ಷೇತ್ರೊಲೆಡ್, ಕಡಲ ಕರೆಕುಲು, ರೈಲ್ವೇ ಉಂತಡೆಲೆಡ್ ಪೋಲೀಸೆರ್ ಗಿಡಿತ ಕಣ್ಣ್ ಡ್ ಕಾತೊಂದುಲ್ಲೆರ್.
ತಲಪಾಡಿ, ತಚ್ಚಾಣಿ, ದೇವಿಪುರ ಗಡಿಟ್ ಚೆಕ್ ಪಾಯಿಂಟ್ ಪಾಡ್ದ್, ಕೊಣಾಜೆ ಪೋಲೀಸ್ ಸ್ಟೇಷನ್ ವ್ಯಾಪ್ತಿಡ್ ಮುದುಂಗಾರ್ಕಟ್ಟೆ, ನಾರ್ಯ, ನಂದರಪಡ್ಪು, ತೌಡುಗೋಳಿ ಕ್ರಾಸ್, ನೆತ್ತಿಲಪದವು ಚೆಕ್ ಪಾಯಿಂಟ್‌ಲೆಡ್ ಕರ್ನಾಟಕದ ಉಲಯಿ ಬರ್ಪಿನ ಗಾಡಿಲೆನ್ ಅಂಚೆನೆ ಕರ್ನಾಟಕೊರ್ದು ಕೇರಳೊಗು ಪೋಪಿನ ಗಾಡಿಲೆನ್ ಜಡ್ತೆ ಮಲ್ತೊಂದುಲ್ಲೆರ್.