Last updated on October 29th, 2023 at 05:22 pm
ಕೊಚ್ಚಿದ ಕಲಮಸ್ಸೆರಿದ ಕನ್ವೆನ್ಷನ್ ಹಾಲ್‌ಡ್ ನಡತಿನ ಸೀರಿಯಲ್ ಸ್ಫೋಟದ ಜಬದರಿ ಗೆತೊಂದು ಡೊಮಿನಿಕ್ ಮಾರ್ಟಿನ್ ಪನ್ಪಿನಾಯೆ ಒರಿ ತ್ರಿಶೂರ್‌ದ ಕೊಡಕರ ಪೊಲೀಸ್ ಸ್ಟೇಶನ್‌ಗ್ ಸರೆಂಡದ್ ಆತೆ. ಕ್ರೈಸ್ತ ಪಂಗಡೊದ ಯೆಹೋವನ ಸಾಕ್ಷಿದ ಸಾರಗಟ್ಲೆ ಜನ ಪ್ರಾರ್ಥನಾ ಇನಯೊಗು ಒಟ್ಟಾದಿತ್ತಿನಲ್ಪ ಸ್ಫೋಟ ನಡತ್‌ದ್ಂಡ್. ಸರೆಂಡರ್ ಆಂಡಲಾ ಮಾರ್ಟಿನ್ ಪನ್ಪಿನೆನ್ ಪರಿಶೀಲನೆ ಮನ್ಪೊಡಾಪುಂಡು ಪಂದ್ ಪೊಲೀಸೆರ್ ತೆರಿಪಾದೆರ್.
ಸ್ಫೋಟದ ಬಗೆಟ್ ಇದಮುಟ್ಟ ನಮಕ್ ತೆರಿದಿನ ಇಸಯ:
ಉ್ಂದೊಂಜಿ ಐಇಡಿ ಸ್ಫೋಟ ಆದುಂಡು ಪಂದ್ ಸುರುತ ಜಡ್ತೆಡ್ ತೆರಿದ್ ಬರೊಂದುಂಡು. ಸಮಾವೇಶ ಕೇಂದ್ರೊದ ನಡೂಟು ಪುಡದ್ಂಡ್ ಪಂದ್ ತೂಯಿನಕುಲು ಸುದ್ದಿಗಾರೆರೆಗ್ ತೆರಿಪಾದೆರ್. ನಡತಿನ ಸ್ಫೋಟಲೆಡ್ ಸುರುತ ಸ್ಫೋಟ ಪ್ರಾರ್ಥನಾ ಅಧಿವೇಶನ ಸುರುವಾಯಿ ಬೊಕ್ಕ ಸುಮಾರ್ 9.30ಕ್ಕ್ ನಡತ್‌ದ್ಂಡ್.
ಕೇರಳದ ಕನ್ವೆನ್ಷನ್ ಸೆಂಟರ್ ಸ್ಫೋಟದ ಬೆರಿಟೇ ದೆಲ್ಲಿದ ಇಗರ್ಜಿಲೆನ ಬೊಕ್ಕ ಮೆಟ್ರೋ ಉಂತಡೆಲೆನ ಭದ್ರತೆನ್ ಎಚ್ಚ ಮಲ್ದೆರ್.