ಒಂಜೇ ದಿನ ಮೂಜಿ ಬೇತೆ ಬೇತೆ ಗೊಬ್ಬುಲೆಡ್ ಪಾಕಿಸ್ತಾನೊನು ಸೋಪಾಯಿನ ಭಾರತ

Last updated on October 1st, 2023 at 03:25 pm

ಸನಿಯಾರದಾನಿ ಭಾರತೊದ ಗೊಬ್ಬುದ ಲೋಕೊಗು ಮಲ್ಲ ದಿನ ಆದಿತ್ತ್ಂಡ್. ಭಾರತ ಪಾಕಿಸ್ತಾನೊನು ಮೂಜಿ ಬೇತೆ ಬೇತೆ ಗೊಬ್ಬುಲೆಡ್ ಸೋಪಾದ್ಂಡ್.

ಏತೇ ಬೋರಿಂಗ್ ಗೊಬ್ಬು ಆಂಡಲಾ ಆ ಗೊಬ್ಬುಡು ಭಾರತ-ಪಾಕಿಸ್ತಾನ ಎದುರೆದುರು ಆಪೆರ್ಂದಾಂಡ ಅವ್ವು ಅವೆನಾತೆಗೆ ಹೈ-ವೋಲ್ಟೇಜ್ ಗೊಬ್ಬು ಆಪುಂಡು. ಹಾಕಿ, ಫುಟ್‌ಬಾಲ್ ಬೊಕ್ಕ ಸ್ಕ್ವಾಷ್ ಗೊಬ್ಬುಲೆಡ್ ಭಾರತ ಕೋಡೆ ಪಾಕಿಸ್ತಾನೊನು ಸೋಪಾದ್ಂಡ್.

ಭಾರತೊದ ಆಂಜೊವುನಕುಲೆನ ಹಾಕಿ ಕೂಟ ರೆಕಾರ್ಡ್ 10-2 ಟ್ ಪಾಕಿಸ್ತಾನೊನು ಸೋಪಾದ್ ಏಷ್ಯನ್ ಗೇಮ್ಸ್‌ದ ಸೆಮಿ ಫೈನಲ್‌ಗ್ ಪೊಗ್ಗುದುಂಡು.

ಭಾರತೊದ ಜವನೆರೆ ಕೂಟ ಸೌತ್ ಏಷ್ಯನ್ ಫುಟ್‌ಬಾಲ್ ಫೆಡರೇಷನ್‌ದ ಅಂಡರ್-19 ಫುಟ್‌ಬಾಲ್ ಗೊಬ್ಬುಡು ಪಾಕಿಸ್ತಾನೊನು 3-0 ಡ್ ಸೋಪಾದ್ ಚಾಂಪಿಯನ್ ಆಯೆರ್.

ಏಷ್ಯನ್ ಗೇಮ್ಸ್‌ಡ್ ನಡತೊಂದುಪ್ಪುನ ಆಂಜೊವುನಕುಲೆನ ಸ್ಕ್ವಾಷ್ ಗೊಬ್ಬುಡುಲಾ ಭಾರತ ಪಾಕಿಸ್ತಾನೊನು 2-1 ಟ್ ಸೋಪಾದ್ ಬಂಗಾರ್ ಗೆಂದ್‌ದ್ಂಡ್.

ಇಂಚ ಮೂಜಿ ಗೊಬ್ಬುಡು ಭಾರತ ಗೆಂದ್‌ದ್ ಕೋಡೆದ ಸನಿಯಾರೊನು ನನ ದುಂಬಗ್‌ಲಾ ನೆಂಪುಡು ದೀವೊನುನ ಲೆಕ ಮಲ್ತ್ಂಡ್.