ನಾಲ್ ತಿಂಗೊಲು ದುಂಬು ಮದಿಮೆ ಆದಿತ್ತಿನ ಕುಡ್ಲದ ಪೊಂಜೊವು ಪುಣೆಡ್ ಅನುಮಾನಾಸ್ಪದವಾದ್ ಸಾವು

Last updated on October 12th, 2023 at 10:25 am

ಕುಡ್ಲ: ನಾಲ್ ತಿಂಗೊಲು ದುಂಬು ಮದಿಮೆ ಆದಿತ್ತಿನ ಪೊಂಜೊವು ಒರ್ತಿ ಪುಣೆಡ್ ಅನುಮಾನಾಸ್ಪದವಾದ್ ತೀರ್ದೆರ್. ಉಳ್ಳಾಲ ತೌಡುಗೋಳಿ ನಿವಾಸಿ, ಇತ್ತೆ ಪುಣೆಡ್ ಇತ್ತಿನ ಸುಜಾತ ಶೆಟ್ಟಿ (38) ತೀರ್ದಿನಾರ್.

ತೌಡುಗೋಳಿ ಕ್ರಾಸ್ ಗುರಿಕಾರಮೂಲೆ ನಿವಾಸಿ ನಾರಾಯಣ ಶೆಟ್ರೆನ ಮಗಲ್ ಸುಜಾತ ಶೆಟ್ಟಿನ್ ಪಜೀರ್ ಪಾನೇಲ ನಿವಾಸಿ ಪುಣೆಡ್ ಕ್ಯಾಂಟೀನ್ ನಡಪಾವೊಂದಿತ್ತಿನ ಸುರೇಶ್ ಕೈಯ್ಯ ಪನ್ಪಿನಾರೆಗ್ ನಾಲ್ ತಿಂಗೊಲು ದುಂಬು ಸುಜಾತಾನ್ ಮದಿಮೆ ಮಲ್ತ್ ಕೊರ್ದಿತ್ತೆರ್ .ಅಕ್ಟೋಬರ್ 8 ದಾನಿ ಸುಜಾತನ ಪುನ ಭಾರತೀಯ ವಿದ್ಯಾಪೀಠೊಡುಪ್ಪುನ ಇಲ್ಲಡ್ ಅನುಮಾನಸ್ಪವಾದ್ ತೋಜಿದ್ ಬತ್ತಿತ್ತ್ಂಡ್.

ಈ ಬಗೆಟ್ ಅಲ್ಪದ ಮುಟ್ಟದ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ದಾಕಲಾದ್, ಪುನೊನು ಮಹಜರ್‌ಗ್ ಕಡಪುಡ್ದಿತ್ತ್ಂಡ್ .ಅಕ್ಟೋಬರ್ 9 ದಾನಿ ತೌಡುಗೋಳಿದಲ್ಪ ಸುಜಾತನ ಅಂತಿಮ ಸಂಸ್ಕಾರ ಮಲ್ತ್‌ದ್, ಇಲ್ಲದಕುಲು ಕಂಡನೆ ಸುರೇಶ್‌ನ ಮಿತ್ತ್ ಅನುಮಾನ ತೂಪಾದೆರ್. ಮಹಜರ್ ವರದಿ ಬತ್ತಿ ಬೊಕ್ಕನೇ ಪ್ರಕರಣೊದ ಸತ್ಯಾಸತ್ಯತೆ ತೆರಿಯೊಡಾತೆ. ಸುಜಾತಾ ಮೇರ್ ತೊಕ್ಕೊಟ್ಟು ಬ್ಯೂಟಿಪಾರ್ಲರ್‌ಡ್ ದುಂಬು ಬ್ಯೂಟೀಷಿಯನ್ ಆದ್ ಬೇಲೆ ಮಲ್ತೊಂದಿತ್ತೆರ್.