ಉಳ್ಳಾಲ: ಅಕ್ರಮವಾದ್ ಇಲ್ಲಗ್ ಪೊಗ್ಗುದು ಜೆತ್ತಿತ್ತಿನ ಪೊಂಜೊವುಗು ಕಿರುಕುಳ, ಆರೋಪಿ ಅರೆಸ್ಟ್

Last updated on October 27th, 2023 at 07:52 am

ಇಲ್ಲದುಲಯಿ ಅಕ್ರಮವಾದ್ ಪೊಗ್ಗುದು ಜೆತ್ತಿತ್ತಿನ ಪೊಂಜೊವುಗು ಲೈಂಗಿಕ ಕಿರುಕುಳ ಕೊರ್ತಿನ ಆರೋಪಿನ್ ಕುಡ್ಲ ಪೊಲೀಸೆರ್ ಕೈದ್ ಮಲ್ದೆರ್. ಉಳ್ಳಾಲ ತಾಲೂಕ್‌ದ ಹರೇಕಳದ ನೌಫಾಲ್ ಕೈದಾತಿನ ಆರೋಪಿ.

ಅಕ್ಟೋಬರ್ 25 ತಾನಿ ಪೊಂಜೊವು ತನ್ನ ಜೋಕುಲೆನೊಪ್ಪ ಜೆತ್ತಿಪ್ಪುನಗ ಈ ನಡಕೆ ನಡತ್‌ದ್ಂಡ್. ಪೊಂಜೊವು ರಾತ್ರೆ 11 ಗಂಟೆದ ಅಂದಾಜಿಗ್ ವನಸ್ ಮಲ್ತ್.ದ್ ತನ್ನ ಜೆಪ್ಪುನದೆಟ್ ಜೆತ್ತಿಪ್ಪುನಗ, ರಾತ್ರೆ ಸುಮಾರ್ 12:10 ಗಂಟೆದ ಅಂದಾಜಿಗ್ ಏರೋ ಕೈ ಕಾರ್‌ನ್ ಮುಟ್ಟುದ್ ಪೂಜಿಲೆಕ ಆತ್ಂಡ್. ಅಪಗನೇ ಲಕ್ಕ್‌ದ್ ಲೈಟ್ ಪಾಡ್ದ್ ತೂನಗ ಇಲ್ಲದುಲಯಿ ಅಕ್ರಮ ಪ್ರವೇಶ ಮಲ್ತಿನ ನೌಫಾಲ್ ಮಂಚದ ತಿರ್ತ್‌ರ್ದ್ ಲಕ್ಕ್‌ದ್ ಕುದುಬಾಕಿಲ್ ದೆತ್ತ್‌ದ್ ಪೋತೆ. ಈ ಬಗೆಟ್ ಪೊಂಜೊವು ಕೊಣಾಜೆ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಕೊರ್ದಿತ್ತೆರ್. ಆರೋಪಿನ್ ಕೋಡೆ ಮಧ್ಯಾಹ್ನ ಪತ್ತ್‌ದ ಪಂದ್ ಪೊಲೀಸೆರ್ ಒಲವು ಕೊರ್ತೆರ್.