Last updated on October 15th, 2023 at 06:38 pm
ಕಾಸ್ರೋಡ್: ಪೆದ್ದಿನಪ್ಪೆನೇ ಮಗೆ ಕೆರ್ತಿನ ಅಮಾನುಷ ನಡಕೆ ಕಾಸ್ರೋಡ್‌ದ ಕಣಿಚಿರ ಪನ್ಪಿನಲ್ಪ ನಡತ್‌ದ್ಂಡ್.
ಏಪೊಲಾ ಮೊಬೈಲ್ ಒತ್ತೊಂದಿಪ್ಪುನೆನ್ ಪ್ರಶ್ನೆ ಮಲ್ತಿನವು ಅಪ್ಪೆನ ಜೂವೊಗೇ ಮುಳ್ಳಾತ್ಂಡ್.
ತೀರ್ದಿನಾರೆನ್ ಕಣಿಚಿರದ ರುಕ್ಮಣಿ (63) ಪಂದ್ ಗುರ್ತಪತ್ತ್‌ದೆರ್.
ರುಕ್ಮಣಿರೆನ ತರೆನ್ ಮದೆಲ್‌ಗ್(ಗೋಡೆಗ್) ಆಕ್‌ದ್ ಮಗೆ ಸುಜಿತ್ ಗಡಿ ಮಲ್ತಿತ್ತೆ. ಪ್ರಕರಣ ನಡತಿನೆಟ್ಟಿಗೆ ಆಯನ ಕೈದ್‌ಲಾ ಆದಿತ್ತ್ಂಡ್. ಮಗನ ಕೈಟ್ ಹಲ್ಲೆ ಆದಿತ್ತಿನಾರ್ ಕರಿನ ಒಂಜಿ ವಾರೊರ್ದಿಂಚಿ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತೆರ್. ಆಂಡ ಮರ್ದ್ ಪಲಿಪಂದೆ ತೀರ್ದೆರ್.
ಲೆಕ್ಕೊರ್ದೆಚ್ಚ ಮೊಬೈಲ್ ಗಲಸೊಂದಿತ್ತಿನೆನ್ ಕೇಂಡಿನೆಕ್ ಅಪ್ಪೆನ ಮಿತ್ತ್ ಹಲ್ಲೆ ಮಾಲ್ತೆ ಪಂದ್ ಆರೋಪಿ ವಿಚಾರಣೆದ ಪೊರ್ತುಟು ಒತ್ತೊಂದೆ.