Last updated on October 25th, 2023 at 12:42 pm
ಕಾಸ್ರೋಡ್: ಜಿಲ್ಲೆದ ಬೇತೆ ಬೇತೆ ಸ್ಟೇಷನ್‌ಲೆಡ್ ವಾರೆಂಟ್ ಇತ್ತಿನ ನಟೋರಿಯಸ್ ಶಾರ್ಪ್ ಶೂಟರ್ ಮಂಜೇಶ್ವರ ಪೈವಳಿಕೆ ನಿವಾಸಿ ಮೊಹಮ್ಮದ್ ಹನೀಫ್ ಯಾನೆ ಅಲಿ ಮುನ್ನಾನ್ ಪೋಲೀಸೆರ್ ಕೈದ್ ಮಲ್ದೆರ್.
ಆರೋಪಿ ಹನೀಫ್ ನಟೋರಿಯಸ್ ಕ್ರಮಿನಿಲ್ ಆದಿತ್ತ್‌ದ್, ಡಾನ್ ರವಿ ಪೂಜಾರಿನ ಮಾತಾ ಕೃತ್ಯೊಲೆಗ್ ಕುಡ್ಲ ಸೇರ್ದ್ ಕಡಲ ಕರೆತ ಜಿಲ್ಲೆಲೆನ್ ಕಾರ್ಯಕ್ಷೇತ್ರ ಮಲ್ತೊಂದು ಬೇತೆ ಬೇತೆ ಶೂಟೌಟ್, ದಗೆ, ಪೋಡಿಕಟ್ಟಾವುನ ಪ್ರಕರಣೊಲೆಡ್ ರಾಜ್ಯೊದ ಬೇತೆ ಬೇತೆ ಸ್ಟೇಶನ್‌ಲೆಡ್ ಅರೆಸ್ಟ್ ವಾರಂಟ್ ಇತ್ತ್ಂಡ್. ಹನೀಫ್‌ನ ಮಿತ್ತ್ ಕೊಣಾಜೆ, ಬಡಕಾಯಿ ಕುಡ್ಲ, ಪುತ್ತೂರು, ಬರ್ಕೆ, ವಿಟ್ಲ, ಉಳ್ಳಾಲ, ಬೆಂಗ್ಳೂರ್ ಳೂರು ವಿಮಾನ ಉಂತಡೆದ ಸ್ಟೇಶನ್‌ಲೆಡ್ ಪ್ರಕರಣ ದಾಕಲಾದುಲ್ಲ.
2010 ಬೊಕ್ಕ 2013ಟ್ ಕಾಸ್ರೋಡ್ ಬೇವಿಂಜ ಪಿಡಬ್ಲ್ಯುಡಿ ಗುತ್ತಿಗೆದಾರೆರೆನ ಶೂಟೌಟ್ ಪ್ರಕರಣ, ಮಂಜೇಶ್ವರಡ್ ಕಲ್ವೆ, ಕುಂಬಳೆ ಬೊಕ್ಕ ವಿದ್ಯಾನಗರ ಸ್ಟೇಶನ್‌ಲೆಡ್ಲಾ ಪ್ರಕರಣೊಲು ದಾಕಲಾದುಲ್ಲ. ಬಡಕಾಯಿ ಕುಡ್ಲ ಸ್ಟೇಶನ್ ಸೀಮೆದ ಸಂಜೀವ್ ಶೆಟ್ಟಿ ಸಿಲ್ಕ್ಸ್ ಬೊಕ್ಕ ಪುತ್ತೂರು ರಾಜಧಾನಿ ಜ್ಯುವೆಲ್ಲರ್ಸ್‌ಡ್ ಶೂಟೌಟ್ ಮಲ್ತಿತ್ತೆ.
ಆರೋಪಿನ್ ಕೇರಳಡ್ ಕೈದ್ ಮಲ್ತಿತ್ತ್‌ದ್, ಇತ್ತೆಲಾ ಹಫ್ತಾ ಒಟ್ಟು ಮಲ್ತೊಂದಿತ್ತೆ ಪಂದ್ ಪನ್ಪೆರ್. ಎಸಿಪಿ ಧನ್ಯ ನಾಯಕ್ ಮುತಾಲಿಕೆದ ಕೂಟ ಬೊಕ್ಕ ಕೊಣಾಜೆ ಪೊಲೀಸೆರ್ ಜಂಟಿ ಕಾರ್ಯಾಚರಣೆ ಮಲ್ತ್‌ದ್ ಕೈದ್ ಮಲ್ದೆರ್.