ಕುಡ್ಲ : ಪಿಲಿನಲಿಕೆ ಮಲ್ಪುನಗ ತರೆ ನೆಲೊಕು ದರ್ತ್ ಗಡಿ

Last updated on October 25th, 2023 at 11:10 am

ಕುಡ್ಲ, ಮಂಗಳಾದೇವಿ ದೇವಲ್ಯೊಡು ಪಿಲಿನಲಿಕೆದ ಕಸರತ್ತ್ ತೋಜಾನಗ ಪಿಲಿನಲಿಕೆದಾಯನ ಒರಿಯನ ಆಯ ತತ್ತ್ ತರೆ ನೆಲಕ್ ದರ್ತ್ ಗಾಯ ಆತಿನ ನಡಕೆ ನಡದ್ಂಡ್.

ಮುಳಿ ಬಿತ್ತಿಲ್ ಪಿಲಿ ಏಸದ ನಲ್ಕೆದ ಪೊರ್ತುಡು ಪಿಲಿ ಏಸ ಪಾಡ್ಗಿನ ಜವನೆ ಶಂಕರ್ ಮೇರ್ ಪಿರ ಪಲ್ಟಿ ಲಾಗ್ಯೊಂದಿತ್ತಿನ ಪೊರ್ತುಡು ಆಯ ತತ್ತ್ ಮಂಡೆ ನೆಲಕ್ ದರ್ದ್ಂಡ್. ಪೆಟ್‌ಟ್‌ಗ್ ಕಂಟೆಲ್ ಉಸ್ಕುದ್ಂಡ್. ಅಪಗನೇ ಆಸ್ಪತ್ರೆಗ್ ಕೊನೊಯಿನೆರ್ದ್ ಪ್ರಾಣಾಪಾಯೊರ್ದು ಬಚಾವಾಯೆರ್. ಶಂಕರ್ ಮೇರ್ ಈ ಬಗೆಟ್ ವೀಡಿಯೋ ಮಲ್ತ್ ಯಾನ್ ಇತ್ತೆ ಹುಸಾರಾದುಲ್ಲೆ, ಮಂಡೆಗ್ ಸ್ಟಿಚ್ ಪಾಡ್ದೆರ್ ಪೋಡ್ಯುನ ಅಗತ್ಯ ಇಜ್ಜಿ ಪನ್ದ್ ಪನ್ತೆರ್.