Last updated on October 28th, 2026 at 10:10 am
ಬೆರ್ಮಾವರ, ಅ 28: ಪಾಕ ಕೆರ್ತಿನ ಪ್ರಕರಣೊಲೆಡ್ ಆರೋಪಿ ಆದಿತ್ತಿನ ಕುಖ್ಯಾತ ರೌಡಿಶೀಟರ್ ಸುಜಿತ್ ಪಿಂಟೊ (43) ಪನ್ಪಿನಾಯನ್ ಬೆರ್ಮಾವರ ಪೊಲೀಸ್ ಸ್ಟೇಶನ್‌ ಸೀಮೆಡ್ ರಾತ್ರೆ ಭೀಕರವಾದ್ ಕೆರ್ತೆರ್.
ಪ್ರಕರಣೊಗು ಸಂಬಂಧಿತ್‌ದ್ ಸುಜಿತ್‌ನ ಇಲ್ಲಗ್ ದಿನಸಿ ಸಾಮಾನ್ ಕನವೊಂದಿತ್ತಿನ ರಿಕ್ಷಾ ಡ್ರೈವರ್ ಪ್ರಮೋದ್ ಪನ್ಪಿನಾಯನ್ ಬೆರ್ಮಾವರ ಪೊಲೀಸೆರ್ ಅಪಗನೇ ಉಲಕೈ ಮಲ್ತೊಂದೆರ್.
ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆ (SP) ಹರಿರಾಮ್ ಶಂಕರ್ ಮೇರ್ ಕೊರ್ತಿನ ಒಲವುದ ಪ್ರಕಾರ, ಸೈದಿನ ರೌಡಿಶೀಟರ್ ಸುಜಿತ್ ಪಿಂಟೊ ರಿಕ್ಷಾ ಡ್ರೈವರ್ ಪ್ರಮೋದ್‌ಗ್ ಬಾಕಿ ಕಾಸ್ ಕೊರ್ರೆ ಇತ್ತ್ಂಡ್‌ಗೆ. ಉಂದೇ ವಿಚಾರೊಡು ಕಾಸ್ ಪಿರಗೆತೊನ್ರೆ ಪ್ರಮೋದ್ ಸುಜಿತ್‌ನ್ ಆಯೆ ಇತ್ತಿ ಜಾಗೆಗ್ ಲೆಪ್ಪುಡಾದೆ.
ಅಡೆಗ್ ಸುಜಿತ್ ಪಿಂಟೊ ಪೋದಿತ್ತ್‌ದ್, ಇರ್ವೆರ್ಲಾ ಸಮ ಪರ್ತೆರ್‌ಡೆ. ಪರ್ತಿನ ಅಮಲ್‌ಡ್ ಬಾಕಿ ಕಾಸ್‌ದ ವಿಚಾರೊಡು ಇರ್ವೆರೆ ನಡುಟು ಪಾತೆರೊಗು ಪಾತೆರ ಬುಲೆದ್ ಮೆಯಿಕ್ ಕೈ ಪಾಡೊನುನಡೆ ಮುಟ್ಟ ಪೋತುಂಡು. ಈ ಪೊರ್ತುಡು ಕಬುರು ತತ್ತಿನ ಪ್ರಮೋದ್, ಕರ್ಬದ ರಾಡ್‌ಡ್ ಸುಜಿತ್ ಪಿಂಟೊಪ ತರೆಕ್ ಬರಸ್‌ಡ್ ಆಕ್‌ದೆ. ತಾರಾಯರ ನೆತ್ತೆರ್ ಪೋದು ಸುಜಿತ್ ಅಲ್ಪನೇ ತೀರ್ದೆ.
ಸೈದಿನ ರೌಡಿಶೀಟರ್ ಸುಜಿತ್ ಪಿಂಟೊ ಪಾಕ ಅಪರಾಧ ಕೃತ್ಯೊಲೆಡ್ ಪಾಲ್‌ಪಡೆತಿನ ಕುಖ್ಯಾತ ಜನ. 2018ದ ಮಣಿಪಾಲ ಕ್ಲಬ್.ದ ದನಿ ಗುರುಪ್ರಸಾದ್ ಭಟ್‌ನ್ ಕೆರ್ತಿನ ಪ್ರಕರಣೊಡು ಆರೋಪಿ ಆದಿತ್ತೆ. 2020ದ ಮಲ್ಪೆ ತೆಂಕನಿಡಿಯೂರು ಲಕ್ಷ್ಮಿನಗರದ ಯೋಗೀಶ್ ಪೂಜಾರಿನ್ ಕೆರ್ತಿನ ಪ್ರಕರಣೊಡ್ಲಾ ಪ್ರಮುಖ ಆರೋಪಿ ಆದಿತ್ತೆ. ಇಂಬ್ಯೆ ಮೂಲತಃ ಮಲ್ಪೆ ಪೊಲೀಸ್ ಸ್ಟೇಶನ್‌ ಸೀಮೆದ ಸಂತೆಕಟ್ಟೆದಾಯೆ ಆದಿತ್ತ್‌ದ್, ಕೆಲ ವರ್ಸೊಗು ದುಂಬು ಬೆರ್ಮಾವರಗ್ ಶಿಫ್ಟ್ ಆದಿತ್ತೆ.
ಕೆರ್ತಿನ ಜಾಗೆಗ್ ಬೆರ್ಮಾವರ ಪೊಲೀಸ್ ಸ್ಟೇಶನ್‌ ಅಧಿಕಾರಿಲು ಬೊಕ್ಕ ಪೆರಿಯ ಪೊಲೀಸ್ ಸಿಬ್ಬಂದಿ ಬತ್ತ್‌ದ್ ಮಹಜರ್ ಮಲ್ತ್‌ದೆರ್. ಕೆರ್ಯೆರ ಗಲಸ್‌ದಿನ ಕರ್ಬದ ರಾಡ್‌ನ್ ಜಪ್ತಿ ಮಲ್ತಿತ್ತ್‌ದ್, ಆರೋಪಿ ಪ್ರಮೋದ್‌ನ ಮಿತ್ತ್ ಭಾರತೀಯ ನ್ಯಾಯ ಸಂಹಿತೆ (BNS 2023) ಕಲಂ 103 (ಕೊಲೆ) ತ ಅಡಿಟ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.
Bermavara: Rowdy Sheeter Sujith Pinto-n Rod d Aakd Kerna Rickshaw Driver Arrest
Bermavara, October 28: Paaka kerthina prakaranolad aaropi aatittina kukhyaatha rowdy sheeter Sujith Pinto (43) panpinaayan Bermavara Police Station seemed raatre bheekaravaad kerther.
Prakaranogu sambandhitd Sujithna illag dinasi saamaan kanavondittina rickshaw driver Pramod panpinaayan Bermavara police’r appagane ulakai maltonder.
Udupi jilla police adheekshake (SP) Hariram Shankar mer kortina olavuda prakara, saidina rowdy sheeter Sujith Pinto rickshaw driver Pramod-g baaki kaas korre ittnd ge. Unde vichaarodu kaas piragetonre Pramod Sujith-n aaye itthina jaageg leppudaade.
Ade Sujith Pinto podittd, irverla sama parter ge. Partina amal’d baaki kaasda vichaarodu irvere nadutu paaterogu paater buled meyik kai paadonunade mutt potund. Ee porthudu kaburu tattina Pramod, karbada rod d Sujith Pinto-na tarek baras’d aakde. Thaarama netther podu Sujith alpane teerde.
Saidina rowdy sheeter Sujith Pinto paaka crime led paal padetina kukhyaatha jana. 2018-da Manipal Club-da dhani Guru Prasad Bhat-n kerthina prakaranodu aaropi aatitte. 2020-da Malpe Tenkanidiyooru Lakshminagarada Yogish Poojari-n kerthina prakaranodla pramukha aaropi aatitte. Imbe moolatha Malpe Police Station seemeda Santhekatte-daaye aatittd, kel varshogu dumbu Bermavarg shift aatitte.
Kerthina jaageg Bermavara Police Station-da adhikaarilu bokka periya police staff battd mahazar maltder. Keryer galdasina karbada rodd-n japthi maltittd, aaropi Pramod-na mitth Bharatiya Nyaya Sanhite (BNS 2023) kalam 103 (kole)-ta adit prakarana daakalthond investigation maltonduller.