Last updated on October 28th, 2026 at 10:54 am
ಕುಡ್ಲ ಪೇಂಟೆದ ಜಪ್ಪುದಮೊಗೇರ್ ರಾಷ್ಟ್ರೀಯ ಪೆರ್ಸಾದಿ 66 ಟ್ ಅಕ್ಟೋಬರ್ 22 ತಾನಿ ಬಸ್ ಎಡ್ತ್‌ದ್ ಗಾತಿದ ಗಡಿಕುಲಾದಿತ್ತಿನ ಗುರ್ತ ತೆರಿಯಂದಿನ ಜವನೆ ಮರ್ದ್ ಪಲಿಪಂದೆ ತೀರ್ದೆ.
ಸುಮಾರ್ 30 ರ್ದ್ 35 ವರ್ಸ ಪ್ರಾಯೊದ ಜವನೆ ಮಹಂಕಾಳಿಪಡ್ಪು ದಂಚಿರ್ದ್ ಜಪ್ಪುದಮೊಗೇರ್ ದಂಚಿ ರಾಷ್ಟ್ರೀಯ ಪೆರ್ಸಾದಿದ ದತ್ತಮೆಯಿಯ ಸಾದಿಯೆ ನಡತೊಂದು ಪೋನಗ ಬಸ್ ಎಡ್ತ್‌ದಿತ್ತ್ಂಡ್. ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನ ಆಯನ್ ವೆನ್ಲಾಕ್ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಆಂಡ, ಮರ್ದ್ ಪಲಿಪಂದೆ ಜವನೆ ತೀರ್ದೆ.
ತೀರ್ದಿನ ಜವನನ ಗುರ್ತ ತಿಕ್ಕಂದಿನೆರ್ದಾನರ ಆಯನ ಪುನೊನಕ ವೆನ್ಲಾಕ್ ಆಸ್ಪತ್ರೆದ ಶವಾಗಾರೊಡು ದೀತ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆರ್.
ತೀರ್ದಿನ ಜವನನ ಗುರ್ತ ಅತ್ತ್ಂಡ ಆಯನ ಇಲ್ಲದಕಲೆನ ಬಗೆಟ್ ತೆರಿನಕುಲು ತೆನ್ಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸ್ ಸ್ಟೇಶನ್‌ದ ಪೊಲೀಸ್ ನಿರೀಕ್ಷಕೆರೆನ್ 0824-2220850
ಅತ್ತ್ಂಡ 9480805371 ನಂಬರ್ ಮುಕೇನ ಸಂಪರ್ಕ ಮಲ್ಪೊಲಿ. ಮಂಗಳೂರು ಪೊಲೀಸ್ ನಿಸ್ತಂತು ಅದೆತ 0824-2220800 ಅತ್ತ್ಂಡ 9480802321 ನಂಬರ್‌ಲೆಗ್ಲಾ ಒಲವು ಕೊರ್ಯೆರ ಪೊಲೀಸ್ ಸ್ಟೇಶನ್‌ ಪ್ರಕಟಣೆ ತೆರಿಪಾದ್ಂಡ್.
Jappudamoger Persaadid Bus Edtd Gadikulaad Mard Palipande Teerina Javane; Gurth Pattre Police’re Binnapu
Kudla penteda Jappudamoger Rashtriya Persaadi 66-d October 22-taani bus edtd gaatida gadikulaadittina gurth teriyandina javane mard palipande teerde.
Sumaar 30-rd 35 varshoda praayoda javane Mahankalippuda danchird Jappudamoger danchi Rashtriya Persaadida datthameyiya saadiye nadatond pogana bus edtdittnd. Edted gaatida gadikulaadittina aayan Wenlock aaspatreg daakalthittder. Aanda, mard palipande javane teerde.
Teerdina javanana gurth tikkandinerdaana aayana punonaka Wenlock aaspatreda shavaagaarodu deetnd pand police’r teripaader.
Teerdina javanana gurth attanda aayana illadaklena baget terinavulu tenkaayi Kudla Traffic Police Station-da police nireekshakeren 0824-2220850 attanda 9480805371 number moolaka samparka malpoli.
Mangaluru Police wireless office-da 0824-2220800 attanda 9480802321 numberlegla olavu koryere police station prakashane teripaadnd.