Last updated on October 28th, 2023 at 07:49 am
ಒಡಿಪು : ಜಾಗತಿಕ ಬಂಟೆರೆ ಸಂಘದ ಒಕ್ಕೂಟೊರ್ದು ವಿಶ್ವ ಬಂಟೆರೆ ಸಮ್ಮೇಳನೊಗು ಇನಿ ( ಅಕ್ಟೋಬರ್ 28) ಚಾಲನೆ ಸಿಕ್ಕುಂಡು. ಇನಿ ದಿನ ಇಡೀ ಗೊಬ್ಬು ಅಂಚೆನೆ ಎಲ್ಲೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಇನಿ ಕಾಂಡೆ ಅಜ್ಜೆರೆಕಾಡ್‌ದ ಮಹಾತ್ಮಾ ಗಾಂಧಿ ಗೊಬ್ಬುದ ಕಲೊಟು ಕ್ರೀಡಾ ಸಂಗಮ ಸುರು ಆಪುಂಡು. ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಮದ್ಯಾಹ್ನ 1 ಗಂಟೆಗ್ ಸಮ್ಮೇಳನೊದ ಉದಿಪನ ಮಲ್ಪರೆ ಉಲ್ಲೆರ್.
ಕ್ರೀಡಾ ಸಂಗಮೊರ್ದು ದುಂಬು ಕಾಂಡೆ 9ಗು ಒಡಿಪುದ ಬೋರ್ಡ್ ಹೈಸ್ಕೂಲುರ್ದು ಬೃಹತ್ ಮೆರವಣಿಗೆ ಸುರುವಾದ್ ಕೆ.ಎಂ ಮಾರ್ಗೊಡು ಪರ ಡಯಾನಾ ಸರ್ಕಲ್‌ದಲ್ಪ ಪೋದು ಅಜ್ಜೆರೆಕಾಡ್ ಕಲೊಕು ಪೋಪುಂಡು. 100ರ್ದ್‌ಲೈ ಮಿಕ್ಕಿನ ಬಂಟೆರೆ ಸಂಘೊಲೆನ ಸಾರೊರ್ದುಲಾ ಎಚ್ಚಿನ ಜನಕುಲು ಬರ್ಪಿನ ನಿರೀಕ್ಷೆ ಉಂಡು.
ಎಲ್ಲೆ ಅಮ್ಮಣಿ ರಾಮಣ್ಣ ಶೆಟ್ಟಿ ಸಭಾಂಗಣದ ಅಂಗನೊಡು ಸಾಂಸ್ಕೃತಿಕ ವೈಭವ ನಡಪುಂಡು. 20 ಸಾರೊರ್ದುಲಾ ಎಚ್ಚಿನಕುಲು ಉಂದೆಕ್ ಬರ್ಪೆರ್. ಗುತ್ತುದ ಇಲ್ಲದಲೆಕ್ಕ ಮಿತ್ತ ಚಾವಡಿ ಮಲ್ದೆರ್. ಸಮ್ಮೇಳನೊಗು ಬರ್ಪಿನಕಲೆಗ್ ಕಾಂಡೆದ ತೆನಸ್, ಮದ್ಯಾಹ್ನ ತರಕಾರಿದ ಅಂಚೆನೆ ಮೀನ್ -ಮಾಸದ ವನಸ್, ಬಯ್ಯಡ್ ತೆನಸ್, ರಾತ್ರೆದ ವನಸ್‌ದ ಅಟ್ಟನೆ ಉಂಡು.