Last updated on November 10th, 2023 at 06:12 pm
ಪುತ್ತೂರು: ಹಿಂದೂ ಸಂಘಟನೆಲೆನ ನಾಯಕೆ ಅರುಣ್ ಕುಮಾರ್ ಪುತ್ತಿಲ ಮೆರೆನ ಪುತ್ತಿಲ ಪರಿವಾರದ ಕಚೇರಿಯ ಎದುರು ಜವನೆ ಒರಿ ನಾಲ್ ಜನ ಪಾಸಾಡಿಲೊಟ್ಟುಗು ತಲವಾರ್ ಪತೊಂದು ಬತ್ತ್ ಅರಬಟ ಪೋವೊಂದಿತ್ತಿನ ನಡಕೆ ನಡದ್ಂಡ್, ಜಾಗೆಗ್ ಪುತ್ತೂರು ನಗರ ಠಾಣಾ ಪೊಲೀಸೆರ್ ಬತ್ತ್ ಐನ್ ಜನನ್ ವಶೊಗು ದೆತೊನ್ದೆರ್.
ಅರುಣ್ ಪುತ್ತಿಲ ಬೆಂಬಲಿಗೆರಾಯಿನ ಮನೀಶ್ ಕುಲಾಲ್ ಬನ್ನೂರು ಮೆರೆಗ್ ಈಡ್ ದೀದ್ ದಿನೇಶ್ ಪಂಜಿಗ ಪನ್ಪಿನಾಯೆ ನಾಲ್ ಜವನೆರೊನೊಟ್ಟುಗು ತಲವಾರ್ ಪತೊಂದು ಬೈದಿತ್ತೆ ಪನ್ದ್ ಪನೊಂದುಲ್ಲೆರ್.
ಪುತ್ತಿಲ ಕಚೇರಿಡ್ ಕೃಷ್ಣಪ್ರಸಾದ್ ಶೆಟ್ಟಿ ಬೊಕ್ಕ ಬೇತೆಕಲು ಇತ್ತೆರ್, ಮನೀಶ್ ಕುಲಾಲ್ ಕಚೇರಿಡ್ ಇತ್ತಿಜೆರ್. ಒಲವು ತೆರಿನ ಮನೀಶ್ ಕುಲಾಲ್ ಪೊಲೀಸೆರೆಗ್ ತೆರಿಪಾದೆರ್. ಅಪಗನೇ ಪೊಲೀಸೆರ್ ಜಾಗೆಗ್ ಬತ್ತ್ ಜವನೆರೆನ್ ವಶೊಗು ದೆತೊನ್ದೆರ್.
ವಾಟ್ಸಾಪ್ ಗ್ರೂಪ್‌ಡ್ ನಡದಿನ ಚರ್ಚೆದ ಪಿಸಿರಿಡ್ ಈ ಕೃತ್ಯ ನಡದ್ಂಡ್ ಪನ್ದ್ ಪನೊಂದುಲ್ಲೆರ್, ಪಚ್ಚಪಗೆಲ್ ತಲವಾರ್ ಪತೊಂದಿನವು ಸಾರ್ವಜನಿಕೆರೆನ ಪೋಡಿಗೆಗ್ ನೆವನ ಆತ್ಂಡ್.