Last updated on November 4th, 2023 at 09:03 am
ಪಡ್ಡೆದ್ರ : ಅಡ್ವೆರ್ದ್ ಕಾಂಜರಕಟ್ಟೆದಂಚಿ ಅಕ್ರಮವಾದ್ ಪೊಯ್ಯೆ ಕೊನೊಂದಿತ್ತಿನ ಟಿಪ್ಪರ್‌ನ್ ಪಡ್ಡೆದ್ರ ಪೋಲೀಸೆರ್ ಸೀಜ಼್ ಮಲ್ತೆರ್.
ರಾತ್ರೆ ಡ್ಯೂಟಿ ಮಲ್ತೊಂದಿತ್ತಿನ ಪಡ್ಡೆದ್ರದ ಎಸ್ಪಿ ಪ್ರಸನ್ನ ಎಂ.ಎಸ್ ಮೇರ್ ನವೆಂಬರ್ 3ಕ್ಕ್ ಪುಲ್ಯಕಾಂಡೆ 3-20ದಪಗ ಅಡ್ವೆ ಮಹಾಗಣಪತಿ ದೇಲಂತಡೆತ ಕೈತಲ್ ಟಿಪ್ಪರ್‌ನ್ ಉಂತಾವರೆ ಪನ್ನಗ ಟಿಪ್ಪರ್‌ದಾಯೆ 100 ಮೀ ದೂರ ಪೋದು ಉಂತಾದ್ ಪಲಿಮಾರ್ ರೋಡುದಂಚಿ ಬಲ್ದೆ.
ಟಿಪ್ಪರ್ ಜಡ್ತೆ ಮಲ್ಪುನಗ ಅವೆಟ್ 10,000 ದಾತ್ ಬಿಲೆ ಉಪ್ಪುನ ರಡ್ಡ್ ಯುನಿಟ್ ಪೊಯ್ಯೆ ಇತ್ತ್ಂಡ್. ಟಿಪ್ಪರ್‌ಡ್ ಪೊಯ್ಯೆ ಸಾಗಾಟದ ಒವ್ವೇ ಲೈಸೆನ್ಸ್ ಆವಡ್ ಗಾಡಿದ ದಾಖಲೆಲು ಆವಡ್ ಇತ್ತಿಜಿ. ಪಡ್ಡೆದ್ರ ಪೋಲೀಸೆರ್ ಪ್ರಕರಣ ಪಾಡ್ದ್ ತನಿಕೆ ಮಲ್ತೊಂದುಲ್ಲೆರ್.