Last updated on November 4th, 2023 at 11:39 am
ಮೂಜಿ ವರ್ಸದ ಬಾಲೆನ್ ಪತೊಂದು ಛಲ ಬುಡಂದೆ ಕಲ್ತ್ ಒಡಿರುದ ಅಂಬಾಗಿಲ್‌ದ ನಿವೇದಿತಾ ಶೆಟ್ಟಿ ಸಾದಕ ಮಲ್ದೆರ್. 2022ನೇ ವರ್ಸದ ಕೇಂದ್ರ ನಾಗರಿಕ ಸೇವಾ ಪರೀಕ್ಷೆದ ಪರಿಷ್ಕೃತ ಪಟ್ಟಿ ಬುಡುಗಡೆ ಆತ್ಂಡ್, ನಿವೇದಿತಾ ಶೆಟ್ಟಿ ಮೇರ್ ಪಾಸ್ ಆತೆರ್.
ನಿವೇದಿತಾ ಮೇರ್ ಒಡಿಪುದ ಪೆರ್ಡೂರು ಸದಾನಂದ ಶೆಟ್ಟಿ ಬೊಕ್ಕ ಸಮಿತಾ ಶೆಟ್ಚಿ ಮೊಕಲೆನ ಮಗಲ್, ನಿವೇದಿತಾ ಮೆರೆನ ಕಂಡನೆ ದಿವಾಕರ್ ಶೆಟ್ಟಿ ಮೇರ್ ಒಮಾನ್‌ದ ಕಾಲೇಜ್‌ಡ್ ಪ್ರೊಫೆಸರ್ ಆದ್ ಬೇಲೆ ಮಲ್ತೊಂದುಲ್ಲೆರ್. ನಿವೇದಿತಾ ಮೇರ್ ನಿಟ್ಟೆದ ಎನ್ಎಂಎಎಂಐಟಿಡ್ ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್ ಮಲ್ತ್ 4 ವರ್ಸ ಬೆಂಗಳೂರುದ ಕಂಪೆನಿಡ್ ವೆಬ್ ಡೆವೆಲಪರ್ ಆದ್ ಬೇಲೆ ಮಲ್ತೊಂದಿತ್ತೆರ್.
2019ಡು ಮೈನ್ಸ್ ಪರೀಕ್ಷೆ ಬರೆನಗ ನಿವೇದಿತಾ ಮೇರ್ ಐನ್ ತಿಂಗೊಲ್ದ ಬಂಜಿನ ಆದಿತ್ತೆರ್. ಅವೆರ್ದ್ ಬೊಕ್ಕ ಬಾಲೆನ್ಲಾ ತೂವೊಂದು ಯುಪಿಎಸ್‌ಸಿಗ್ಲಾ ಕಲ್ತೊಂದು ಈ ಸಾದನೆ ಮಲ್ದೆರ್.