Last updated on November 18th, 2023 at 07:40 pm
ಎಚ್‌ಪಿಆರ್ ಫಿಲಂಸ್ ಬೊಕ್ಕ ತ್ರಿಜಯ್ ಪ್ರೊಡಕ್ಷನ್‌ದಕಲೆನ ಬ್ಯಾನರ್‌ಡ್ ಉಂಡಾಯಿನ ತ್ರಿಶೂಲ್ ಶೆಟ್ಟಿ ನಿರ್ದೇಶನದ ಪುಳಿಮುಂಚಿ ತುಳು ಪಿಚ್ಚರ್ ಬರಸ್‌ಡ್ ಪ್ರದರ್ಶನ ಆವೊಂದುಂಡು.
ಪುಳಿಮುಂಚಿ ಪಿಚ್ಚರ್ ತೂಯಿನ ಒರಿ ಅದೃಷ್ಟಶಾಲಿಗ್ ಬೈಕ್ ಗೆಂದುನ ಅವಕಾಶ ಇತ್ತ್ಂಡ್. ಕುಡ್ಲದ ಯೆಯ್ಯಾಡಿಡ್ ಅನಘ ಸುಜುಕಿಡ್ ನಡತಿನ ಲೇಸ್‌ಡ್ ಪೆರಿಯ ನಿರ್ದೇಶಕೆ ವಿಜಯ ಕುಮಾರ್ ಕೊಡಿಯಾಲಬೈಲ್ ಬೊಕ್ಕ ನಟೆ ಭೋಜರಾಜ ವಾಮಂಜೂರು ಮೊಕುಲು ಬೈಕ್ ಗೆಂದಿನ ಅದೃಷ್ಟಶಾಲಿನ್ ಅಜತೆರ್. ಉಂದೆಟ್ ಗೆಂದಿನಾಯಗ್ ಅನಘ ಸುಜುಕಿ ಮೊಕಲೆನ ಲೆಕ್ಕೊಡು 2.8 ಲಕ್ಷದ ಸುಜುಕಿ ಜಿಕ್ಸರ್ ಬೈಕ್ ಇನಾಮು ಘೋಷಣೆ ಆಂಡ್.
ಈ ಪೊರ್ತುಡು ಉದ್ಯಮಿ ರಾಜೇಶ್ ಕುತ್ತಾರ್, ನಿರ್ಮಾಪಕೆ ಹರಿಪ್ರಸಾದ್ ರೈ, ನಿರ್ದೇಶಕೆ ತ್ರಿಶೂಲ್ ರೈ, ಶ್ರೀ ಅನಘಾ ಸುಜುಕಿದ ಪೂರ್ಣಿಮಾ, ನಟೆ ವಿನೀತ್ ಕುಮಾರ್, ಮಯೂರ್ ಶೆಟ್ಟಿ, ಕಿಶೋರ್ ಕುಮಾರ್ ಶೆಟ್ಚಿ, ಶೇಖರ್ ಮೊಕುಲು ಇತ್ತೆರ್.