Last updated on November 21st, 2023 at 07:32 am
ಕುಡ್ಲ: ಪಾದಯಾತ್ರೆ ಮಲ್ತೊಂದಿತ್ತಿನ ಅಯ್ಯಪ್ಪ ಸ್ವಾಮಿ ಮಾಲಾಧಾರಿಲೆನೊಟ್ಟುಗು ನಾಯಿಯೊಂಜಿ ಸುಮಾರ್ 600ಕಿ.ಮೀ ಪಜ್ಜೆ ಪಾಡಿನ ನಡಕೆ ಮಾತೆರೆಗ್ಲಾ ಬಾರಿ ಸೋದ್ಯ ಉಂಡುಮಲ್ದ್ಂಡ್.
ಶಬರಿಮಲೆ ಅಯ್ಯಪ್ಪ ದೇವೆರೆ ಸನ್ನಿಧಾನೊಗು ಪೋತಿನ ಬೆಳಗಾವಿ ಜಿಲ್ಲೆದ ರಾಯಭಾಗ ತಾಲೂಕ್‌ದ ಬೇಕ್ಕೇರಿ ಗ್ರಾಮೊದ ಅಯ್ಯಪ್ಪ ಮಾಲಾಧಾರಿಲು ನವೆಂಬರ್ 4 ರ್ದ್ ಪಾದಯಾತ್ರೆ ಸುರು ಮಲ್ದಿತ್ತೆರ್. ಮೊಕುಲು ಪಾದಯಾತ್ರೆ ಮಲ್ತೊಂದುಪ್ಪುನಗ ಗೋಕಾಕ್ ತಾಲೂಕ್‌ದ ಒಂಜಿ ಗ್ರಾಮೊರ್ದು ಒಂಜಿ ನಾಯಿ ಅಕಲೆನ ಬೆರಿಯೇ ನಡತೊಂದು ಬತ್ತ್‌ದ್ಂಡ್. ಸುರುಸುರುಕು ಒಂತೆ ದೂರ ಬರು ಪಂದ್ ಅಯ್ಯಪ್ಪ ಮಾಲಾಧಾರಿಲು ಎನ್ನ್‌ದಿತ್ತೆರ್. ಆಂಡ ಇತ್ತೆ ಅಕಲೆನೊಟ್ಟುಗು ಸುಮಾರ್ 600 ಕಿಲೋ ಮೀಟರ್‌ರ್ದ್‌ಲಾ ಎಚ್ಚ ದೂರ ನಡತ್‌ದ್ಂಡ್. ನಿಚ್ಚೊಲಾ ಸುಮಾರ್ 40 ಕಿಮೀ ನಡತೊಂದುಪ್ಪುನ ನಾಯಿನ್ ತೂದು ಮಾತೆರೆಗ್ಲಾ ಬಾರೀ ಸೋದ್ಯ ಆತ್ಂಡ್.
ಪತ್ತ್ ಮಂದಿ ಮಾಲಾಧಾರಿಲು ಕುಡ್ಲಡೆ ಆದ್ ಕಾಸ್ರೋಡ್‌ಗ್ ಎತ್ತ್‌ದೆರ್. ಗುರು ಸ್ವಾಮಿಲು ನಾಯಿನ್ ದೇರ್ಯೆರ್ನ್ಡಲಾ ಅವು ಪೋತುಜಿ. ನಾಯಿರ್ದ್ ತಪ್ಪಾವೊಂದು ಪೋಪುನ ಪುನೆಪುಲಾ ಕೋಡಿ ಎತ್ತ್‌ದಿಜಿ. ಅಯ್ಯಪ್ಪ ಮಾಲಾಧಾರಿಲು ನಡಪುನಗ ಅವ್ಲಾ ನಡಪುಂಡು. ಬಚ್ಚೆಲ್ ಕರಿಪೆರ ಕುಲ್ಲುನಗ ಅವ್ಲಾ ಕುಲ್ಲುಂಡು. ಅಯ್ಯಪ್ಪ ಸ್ವಾಮಿಲು ಪಿರ ನಡಪೆರ ಪತ್ತಿನೇ ಅವ್ಲಾ ಅಕ್ಲೆನ ಬೆರಿಯೇ ನಡಪುಂಡು ಪಂದ್ ಅಯ್ಯಪ್ಪ ಮಾಲಾಧಾರಿಲು ತೆರಿಪಾದೆರ್.