Last updated on November 26th, 2023 at 06:52 pm
ಬಿಜೆಪಿದ ರಾಜ್ಯಾಧ್ಯಕ್ಷೆ ಆಯಿನ ಬಿ.ವೈ.ವಿಜಯೇಂದ್ರೆ ಮೇರ್ ಐತಾರ ಜೆಡಿಎಸ್‌ದ ಕುಮಾರಸ್ವಾಮಿನ್ ಭೇಟಿ ಮಲ್ತ್ ಮಲ್ಲ ಮಟ್ಟ್‌ದ ಪಾತೆರಕತೆ ಮಲ್ತೆರ್.
ಲೋಕಸಭೆ ಓಟು, ರಡ್ಡ್ ಪಕ್ಷೊಲೊನ ಪಾಸಾಡ್ಕೆ, ಅಂಚೊನೊ ರಾಜ್ಯದ ಇತ್ತೆದ ರಾಜಕೀಯ ಬುಲೆಚ್ಚಿಲ್‌ದ ಬಗೆಟ್ ಪಾತೆರಕತೆ ಮಲ್ತೆರ್. ಕುಮಾರಸ್ವಾಮಿ ಈ ಬಗೆಟ್ ಪಾತೆರ್ದ್, ದೇಶದ ಎಡ್ಡೆಪ್ಪುಗು ಬರ್ಪಿ ಓಟುಡುಲಾ ನರೇಂದ್ರ ಮೋದಿಯೇ ಗೆಂದ್‌ದ್ ಬರೊಡು, ಕ್ಷೇತ್ರ ಪಟ್ಟುನ ಬಗೆಟ್ ಹೈಕಮಾಂಡ್ ಲೆವಲ್‌ಡ್ ಪಾತೆರಕತೆ ಆಪುಂಡು, ಈ ಸಲ ಎಂಕುಲು ಒಟ್ಟುಗು 28ಡು 28 ಗೆಂದುವ ಪನ್ದ್ ಪನ್ಡೆರ್.
ವಿಜಯೇಂದ್ರೆ ಬೊಕ್ಕ ನಿಖಿಲ್ ಮೆಗ್ಯೆ ಪಲಯಲೆಕ್ಕ ಒಟ್ಟುಗು ರಾಜ್ಯ ತಿರ್ಗುವೆರ್. ರಡ್ಡ್ ಪಕ್ಷೊಲುಲಾ ಒಟ್ಟುಗು ಆಡಳಿತ ಪಕ್ಷದ ತೆಟ್ಟ್‌ಲೆನ್ ದಾಖಲೆ ದೀದ್ ಪೊರುಂಬುವ ಪನ್ದ್ ಪನ್ಡೆರ್.