ಚೈನಾಡ್ ಪಗರೊಂದಿಪ್ಪುನ ನ್ಯುಮೋನಿಯಾ – ಕೇಂದ್ರೊರ್ದು ರಾಜ್ಯೊಲೆಗ್ ಸೂಚನೆ

Last updated on November 27th, 2023 at 09:10 am

ಚೈನಾಡ್ ನ್ಯುಮೋನಿಯಾ ಪ್ರಕರಣೊಲು ಎಚ್ಚಿಗೆ ಆವೊಂದಿತ್ತಿನೆನ್ ತೂದು ಕೇಂದ್ರ ಸರಕಾರ ತಾಪುರ್ತೋಪು ಸಾರ್ವಜನಿಕ ಆರೋಗ್ಯ ಬೊಕ್ಕ ಆಸ್ಪತ್ರೆಲೆನ ಬಗೆಟ್ ಮಾತಾ ರಾಜ್ಯ ಬೊಕ್ಕ ಕೇಂದ್ರಾಡಳಿತ ಪ್ರದೇಶೋಗು ಸೂಚನೆ ಕೊರ್ತುಂಡು.

ನ್ಯುಮೋನಿಯಾದಂಚಿನ ಪ್ರಕರಣೊಲು ದೇಶೊಡು ಪಗರ್ಂಡ ಅವೆನ್ ತೂವೊನುನ ಸಾಮರ್ಥ್ಯ ನಮ್ಮ ಆಸ್ಪತ್ರೆಲೆಗ್ ಉಂಡಾ ಪನ್ದ್ ತೆರಿದ್ ರಾಜ್ಯ ಬೊಕ್ಕ ಜಿಲ್ಲಾ ಮಟ್ಟೊಡು ಅಗತ್ಯ ಕ್ರಮ ದೆತೊನೊಡು ಪನ್ದ್ ಕೇಂದ್ರ ಆರೋಗ್ಯ ಕಾರ್ಯದರ್ಶಿ ಬರೆತಿನ ಓಲೆಡ್ ತೆರಿಪಾದೆರ್.

ಚೈನೊಡು ಉಸಿರಾಟದ ಸಮಸ್ಯೆ ಬಾರೀ ದಡೀಟ್ ಪಗರೊಂದುಂಡು. ನ್ಯುಮೋನೀಯಾ ಸೋಂಕು ಶಾಲೆ ಕಾಲೇಜಿಲೆಡ್ ಪಗರೊಂದುಂಡು. ಪ್ರತೀದಿನ 1200 ದಾತ್ ಸೋಂಕುದಕಲೆನ್ ಐಸಿಯುಗ್ ಪಾಡುನಲೆಕ್ಕ ಆತ್ಂಡ್. ಅಲ್ಪಲ್ಪ ಲಾರ್ ಡೌನ್ ಲಾ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್.