Last updated on November 22nd, 2023 at 10:29 am
ಕರಿನ ಕೆಲವು ದಿನೊರ್ದಿಂಚಿ ಸಮಗಟ್ಟ್ ಮೀನ್ ತಿಕ್ಕಂದಿನೆರ್ದಾವರ ಕುಡ್ಲ, ಮಲ್ಪೆ, ಮರವಂತೆ, ಗಂಗೊಳ್ಳಿದ ಎಚ್ಚಿನ ಕಡಲಾಯೆರ್‌ನಕುಲು ಮೀನ್ ಪತ್ತರೆ ಜಪ್ಪಂದೆ ಅಘೋಷಿತ ರಜೆ ಪಾಡ್ದೆರ್.
ವರ್ಸೊರ್ದು ವರ್ಸ ಮೀನುಲೆನ ಸಂತತಿ ನಾಶ ಆವೊಂದುಂಡು. ಕರಿನ ಒಂಜಿ ವಾರೊಡು ಮೀನುಗಾರಿಕೆ ನಡತಿನೆರ್ದ್ ಜಾಸ್ತಿ ನಡಪಂದಿನ ದಿನನೇ ಎಚ್ಚ ಉಂಡು. ತುಳುನಾಡ್ ಬೊಕ್ಕ ಕಾರವಾರ ಜಿಲ್ಲೆಡ್ ಸುಮಾರ್ 30 ಸಾರದಾತ್ ಜನ ಮೀನುಗಾರಿಕೆನೇ ನಂಬುದು ಬದುಕುನಕುಲು ಉಲ್ಲೆರ್. ಕೆಲವು ಅವೈಜ್ಞಾನಿಕ ಮೀನುಗಾರಿಕಾ ಪದ್ದತಿರ್ದ್ ಮೀನ್ ಗೊಟ್ಟುಗು ತೆತ್ತಿಲಾ ನಾಶ ಆದ್ ಮೀನ್ ದ ಸಂತತಿ ಕಮ್ಮಿ ಆವೊಂದುಂಡು.
ಮೀನ್ ಸಮಗಟ್ಟ್ ತಿಕ್ಕಂದಿನೆರ್ದಾವರ ಮಾರ್ಕೇಟ್ ಡ್ ಮೀನ್‌ದ ರೇಟ್‌ಲಾ ಜಾಸ್ತಿ ಆತ್ಂಡ್. ಬಂಗುಡೆ ಕೆಜಿಗ್ 200, ಬೂತಾಯಿ 120, ಅಂಜಲ್ 700, ಪಾಂಪ್ಲೆಟ್ 1 ಸಾರ, ಕೊಡ್ಡಾಯಿ 250, ಬೊಂಡಾಸ್ ಗ್ 250 ದಾತ್ ಜಾಸ್ತಿ ಆತ್ಂಡ್. ಈ ಸಲ ಬಂಗುಡೆ ಬುಡುಂಡ ಬೂತಾಯಿ, ಅಂಜಲ್, ಪಾಂಪ್ಲೇಟ್ ತಿಕ್ಕೊಂದೇ ಇಜ್ಜಿ. ಅವೆಟ್ಲಾ ಬೊಲ್ದು ಅಂಜಲ್ ಅಂತೂ ಒರಲಾ ತಿಕ್ಕ್‌ದಿಜಿ ಪನ್ದ್ ಕಡಲಾಯೆರ್ ಪನ್ಪೆರ್.